聖誕節

12月25日

今日係同柏宇囝囝過既第2個聖誕節
我約左亞嫲,姑姐,婆婆去黃大仙飲茶.
姑姐仲好有心思送左禮物俾我,婆婆,及3個小朋友.
我都將昨日抽到既H2O沖涼套裝送左俾姑姐
飲完茶仲行左一陣街.亞嫲都好精神,好想好想陪佢多D
始終佢都80歲啦.見得一次得一次.佢又好鐘意柏宇.
我都行到5點就走啦,因為約左家姐一家係尖沙咀等.
打算睇火車,不過因為太多人,又各抱住小朋友,
所以唔睇啦,提早去食晚飯,
我抽到2獎,所以今餐由我請客.埋單700元有找.
飯後就同DADDY去左買MINI NOTEBOOK, 4000元.
不過佢話部SONY唔多得,甘佢要買都無法.
返到屋企都11點啦,要同囝囝沖涼覺覺豬啦.
今日可以陪到亞嫲過聖誕,我覺得好開心呀.

公司聖誕party

12月24日

今日下午公司係對面酒樓搞CHRISTMAS PARTY
我做到成1點先同碧姐及老細一齊去酒樓
公司D人無留位俾我,叫我坐老細個圍
我心諗仲好啦,同碧姐一齊坐,食得仲開心
突然老細問我,佢地唔同你玩呢,我話馬生,咩你甘心水清既
個秘書見到我地對話,於是即時同我講話佢地個枱有位,
叫我埋去坐.我唔知有無估錯, 佢地唔想我同老細亂講野,
亦唔想俾老細知佢地唔妥我,所以即時補鑊
我無所謂,佢地弧立我一個人,想我食得唔開心,
我偏要食得好開心,仲要令佢地食得唔開心添
到抽獎時間,我抽到2獎(NO.係5號),碧姐抽到頭獎(NO.係10號), D女同事全部黑面,
我仲即時拍大手掌,激C佢地,之後仲同碧姐一齊去飲左杯奶茶,
傾左成2個鐘頭計先返家.今日真係好開心呀.

奶奶家做冬&第10堂pg

12月21日

今日係冬至
奶奶家做正日,亞囝今日返第10堂pg
佢都開心,成堂跑來跑去,除左唱跳時間係一齊玩外,
其餘時間周圍走,無時停.激c.
因為囝囝要瞓晏覺,所以我地成6點才到奶奶家
我仲去紅磡買左隻海南雞.點知奶奶又整左雞
成晚最搶手就係海南雞,因為係無骨既.同埋個醬酸酸辣辣,
佢地覺得好開胃,我就麻麻啦.
今晚都有好多餸,魚,雞,蝦,冬菇海參,魚腸焗蛋,菜心,豆苗...
食得好飽呀.真係辛苦奶奶忙足一日.

自家做冬

12月20日

今日大陸同事lily來港,我地陪佢買完野,
去左jusco買左張兒童枱俾囝囝,佢好鐘意.
之後去左漢寶做冬,d野幾大碟,又好食,
三大一細叫左四個餸,埋單都是380元,都ok
仲有得打包回來添

返屯門

12月19日

今日因為99要覆診,我返左屯門,
因為亞邦又唔返來食晚飯,
甘我見老豆,裔邦,亞妹都生日,咪一次過同佢地慶祝加做冬囉
柏宇今日都好乖,無咩扭計.我都湊得好輕鬆,
晚飯後仲食埋糖水,因為土瓜灣既又貴又細碗.
今晚食得又飽又開心,真係好耐無試過甘自由自左啦
如囝日後唔做野,就會無錢,繼續返工,就會無左同仔仔相處既時間,
好難決擇呀.

返醫院覆診

12月18日

今日同亞囝返去QE覆診
跟進下個心同身高及體重
佢有79.7CM高,10.5KG重,醫生話進展得幾好
不過話亞囝脾氣就好大,叫我地好好教.
我地走時都差不多點半啦.返到家2點
今日同明天我都請左全日假.想好好休息一下.
我地食完飯,同囝囝瞓覺,瞓醒又叫PIZZA食,
亞囝一貫作風,嘩....好得意.
今日真係過得好開心呀,好耐無甘FREE啦.

在家休息

12月15日

今日無周圍去,打算收拾下間屋
爸爸就幫我整左個架係厨房
今晚我煮左西蘭花帶子,蒸排骨,另外再買左盒煙豬手
亞囝好捧場,食左成碗飯.爸爸都幫手將d飯餸全部食晒.
不過今晚我都覺得自己煮得幾好食.
飯後仲整左椰汁榚,留返明晚先食.
不過餐餸都唔平,仲貴過去買飯盒,
但勝在無味精,健康d,又食得舒服d
甘就辛苦d都值啦.

BBQ

12月13日

今日約左一家人去綠田園bbq,
順便慶祝商邦生日,今日天氣幾好.唔太凍.
開頭我仲心亞囝無咩啱食,點知佢幾乎全部都食
仲飲左成22oz粟米水,叻叻豬.
食得最多都係香腸,白魚蛋,連蜜糖麵包都自己食左一塊,
我想食都無,十分搶手.婆婆都自備左好多野食.所以唔駛額外再買.
婆婆又買左支吹波波鎗俾柏宇,不過囝囝唔係好識玩,
佢鐘意玩吹出來既波波多d,爸爸就幫柏宇影左好多靚相.
差不多九點,爺爺打電話來話係附近,甘我地就坐順風車返屋企
先送家姐,再送亞媽,回家途中爺爺要加單接遊客,於是我地去左迪士尼門口一遊,
回到家己10點35分啦,亞囝就係車程途中瞓著左啦
佢今日都玩得好攰啦.期待聖誕再一齊出來玩啦

大瀉日

12月8日

今日lunch食車仔麵,食完己即時肚痛
忍到成4點終於痾左2次無事,
晚飯飲左西洋菜煲羅漢果湯
返到屋企差d上吐下瀉,苦不堪言,
個胃痛到想嘔,又見暈,好驚個囝無人理
個刻真係想打俾亞邦叫佢即返來
結果我閉氣,先至忍住無嘔,但痾出來既係全黑色,好恐怖
仲要痾完第1次,起身唔夠2秒,要再痾
亞囝就入左toilet同我一齊.其間我合埋眼休息一陣
亞囝見到即時拍醒我,可能佢驚媽媽有事掛.佢真係好懂事.
其實佢已經好眼瞓,如果我唔係肚痾
一早同佢瞓左啦.結果佢要等到10點幾才有得瞓.
真係難為佢.

第9堂pg

12月7日

今日係亞囝22個月大,今日上第9堂pg, 換左個新miss
之前個亞sir無做啦,好似話其他小朋友唔like亞sir,
不過呢個ms我覺得麻麻
因為佢整堂講野為主,好少唱遊,好悶,
我已同出面d姐姐反映左,想以後上另一個ms堂
因為亞囝好鐘意唱唱跳跳,不過佢地話唔得,
因為如果個個家長都係甘樣,甘另一個ms咪無人上囉
唉,隨緣啦.
今日婆婆專登拎野出來俾我,佢幫我買左d美食切切樂,
仲買左一大埋thomas俾柏宇做聖誕禮物,亞囝已經好多玩具啦
昨日先去反斗城買左一個波波及2架小車車.埋單都唔駛50元.
個豬仔好鐘意個波波呀.頭先就要拎住套切切樂把刀一齊瞓.
佢d習慣唔知幾時可以改,好鐘意雙手拎住野先得.
真係俾佢激c同氹c呀

又無故大喊啦

12月4日

今早7點,亞囝又大喊
唔知發生咩事,點氹都喊,仲要喊到嘔左d痰出來.
我好驚佢有事.佢大約一個月會有一次甘既情況
通常我都無辦法,只能坐係度睇住佢喊夠收聲才抱佢
今日亞囝就不停扯件衫,甘我就估佢熱,幫佢除,又喊
著返都喊,甘又估佢係咪件衫有野吉到佢
最後除左一邊袖,赤膊,再加埋爸爸大聲問佢想點,
佢定左一定,我即時抱住佢,佢就收晒聲唔喊,挨左係我膊頭嘔左d痰出來
不停抖大氣.不過一陣又大喊過,真係咩都幫唔到佢
結果出左廳,剛做thomas,佢聽住歌就收左聲啦.
但又唔俾我坐底,結果等左一陣,我坐底抱住佢食奶
之後抱佢上床再瞓,由7:50am瞓到7:20am,都瞓返個半鐘
之後因為要趕返工,抱佢上bb車瞓,佢可以好攰,都曚曚曨曨甘樣瞓,
最後出左街,架車郁佢再醒晒.
唉,總之希望佢唔好成日甘啦
因為佢未識表達佢既意思,只識喊,我地真係好無助架
最後結論係估佢一係肚痛,一係牙肉痛.係一個謎.

飲早茶

12月3日

好耐無試過甘早去飲茶啦
今日因為爺爺休息,所以我地約左7點去飲茶
不過我都要成7:50am才出門口
因為要等亞囝食完奶才行
爸爸都同我地一齊去,8:30am我地就飲完啦
好快.四大一小叫左11個點心,埋單$104
都叫做幾平.
亞囝食完奶,半個鐘又食飽,又食飯,又食蘿白榚,真係好犀利呀

肺鏈第2針

11月30日

今日約左早上10點去打肺鏈第2針,不過仔仔好晏先起身,
我又唔想整醒佢,so,又遲到,支針又加到830元,好貴呀.
亞囝就例必大喊架啦.不過我鐘意個醫生好手勢,
所以佢放假,我都等佢回來才打針.
之後我地去左食魚柳包,再去反斗城,不過無收獲,後來約左嫲嫲去行jusco,
因為會員大減價,不過我地都係去左超市買野
仔仔一到去就要去玩電動車車.之後同左亞囝返屋企瞓啦
由於今日無煮野俾囝囝食,我又去左大家樂買雞脾+火腿通+好立克
亞囝都可以一個人食2/3個餐,勁.可能今日無咩食野啦
晚餐就去茶餐廳買左中式牛柳飯,好好味,囝囝食左好多呀

救世軍幼稚園開放日

11月29日

今日本來要同仔仔返pg,不過幼稚園open day
我book左2點去參觀,又想帶囝囝去睇下個環境,
於是放工即刻回去接囝囝,同daddy,嫲嫲一齊去,
我就去聽講座,囝囝就去其他課室玩
佢都幾開心,我最深刻係有一個3歲限妹妹示範摺手巾仔,我覺得好叻
佢地會訓練小朋友做家務,個個專注力都好強.
又同miss傾過,佢地係以報名先後次序去收生的
所以柏宇入到既機會好大,不過我怕無錢讀姐
一個月都要成3000元,未必afford到
唔好話我唔做野,就算返工,2個人都一個月儲唔到3000元啦
唯有見步行步啦

第8堂pg

11月23日

今日上第8堂pg
都係上miss既堂,今日柏宇好早起身,又無瞓覺,返到pg都係不停甘走來走去
真係好攰.miss都無佢乎.佢真係唔會坐定聽故事,
只愛聽歌跳舞.好活躍.仲有就係成日拎我袋要食糖.
柏宇昨日已學識唔駛人扶住自己上樓梯,同埋識拎開我張被唔俾我瞓.
又識扶我起身.個囝識聽好多野,亦明白好多野.問題係佢願唔願意做
我地放左學去左味千食拉麵.再去反斗城,囝囝今日無瞓過覺,
我返家後仲要煮飯,daddy就陪仔仔玩,
結果8點幾食完飯後佢地2父子就瞓左啦
可憐我又無胃口食飯,仲要收拾碗筷,清理完畢,洗澡後都好夜啦.
不過為左慳d,同埋想個囝有住家飯食,辛苦d都要啦

終於好返晒啦

11月21日

昨日一早起身燉野,亞囝又跟我起身.
有見及此,我昨晚燉好今日既湯,寧可今日俾奶奶煲熱俾囝囝飲,
甘佢今早真的瞓到成9點
我又遲大到啦.可能天氣凍左,所以囝囝最近都瞓到好晏先起身,
不過都係9點多就瞓,小朋友瞓我d都好既.
起碼今早夠瞓,起身無扭計先啦.

一早起身

11月20日

今早一早起身燉川貝瘦肉湯俾亞囝飲
好耐無燉,唔記得左用咩火去燉,
結果一早打俾亞媽,嚇親佢,以為我地有事,真係唔好意思啦.
燉一個鐘後即拎上去奶奶度,我趕返工,
好在囝囝都肯飲,甘我瞓少d都值得

漸漸好轉

11月19日

今日食多一日猴'早'散,我諗都好得七七八八啦
雖然都仲有咳,但比起之前少左好多啦.
我諗應該唔駛睇醫生啦.甘我都安心d
今日學精左,用少d水開粉,結果用針筒2ml就搞掂,
不過同樣亞囝都精左,佢都可以bu返好多出來,激c

迫食中藥

11月18日

今早囝囝都仲咳得好勁
我唯有迫佢食猴'早'散,因為只有我一個人餵,
所以改用針筒食,我又好耐無俾佢食,一時唔覺意開多左水,
結果用針筒食左成10ml都仲有,亞囝就當然喊啦,
我都好心痛,但沒辦法,唔想佢食甘多西藥,唯有試下中藥啦.
媽媽心痛一時,好過囝囝辛苦甘長時間.
忍心都要佢食架啦.希望佢快d好返啦

咳多左,不過開始有痰啦

11月17日

囝囝今日咳多左,不過可以咳鬆d痰,甘即是會好快好返
飲埋昨日既湯,睇下咩情況先.放工去買定猴'早'散看門口.
以備不時之需

咳咳

11月16日

今日囝囝咳得嚴重左,婆婆煲左川貝'惡'魚比肉湯俾柏宇飲,仲留左一杯明天飲
希望對佢有幫助.今晚去左樓下大排檔食飯,估唔到大碟夾好食,
又係亞媽找數,佢話贏左馬仔,唉.我想佢有錢都留返來傍身.
始終現在經濟唔好麻.

第7堂pg

11月15日

今日早左出門口,終於無遲到
今日又係編左上miss既堂,佢又係40min就落堂
佢都係以唱歌為主,不過柏宇都玩得好開心,
miss仲自備貼紙送俾小朋友,今日好full,我地個班有5個小朋友
唔知係咪柏宇靚仔呢,有d家長都撩佢,miss對佢都好好,可能囝囝又比其他小沒友活潑d啦
不過亞囝就坐唔定,好鐘意走去搞窗簾布,激c,以為我同佢玩捉迷藏.
唔覺唔覺就上左7堂,亞囝都叫做識唱goodbye隻歌,雖然唔你好清楚,
不過d音都好似.連miss都聽到呢.真叻仔.
不過亞囝今日就有d咳咳,叫左婆婆明天煲川貝湯,希望有幫助啦

第6堂pg

11月9日

今日上第6堂啦
今日又係亞sir上堂,佢今日染左一頭紅髮,
如果唔係佢叫柏宇,我都認唔到佢,亞囝更俾佢嚇親呢
今日唔見晒d相熟既小朋友,原來今日2個room都係上a1班
今日仲見到津津,仲係隔離課室.我地放學才見到
2個老師比較,我都是鐘意亞sir多d,因為佢會takecare小朋友
個miss唔會理既,自顧自唱歌,仲要d歌我地係唔識唱,因為佢唔係唱noddy既歌
又提早落堂.好唔pro.下次開始都係request要上亞sir堂好d.
之後我地去左樓上一間cafe食野,講真,野食麻麻地,不過佢地近窗口位有d垂珠亞囝就好鐘意搞,
左右撥笑到卡卡聲,食完lunch先入去大佬度去寶康公園玩,真係又大又多野玩
晚上就買野打邊爐,囝囝今晚食好少.不過就痾左好大堆便便,大伯同爸爸都要避開
今晚因為太凍,所以好少有甘伕坐的士返家,免冷親睇醫生.
希望換左新奶咀後亞囝可以瞓得好d啦,甘我都有覺好瞓麻

結婚週年紀念

11月8日

今日是我們結婚4週年
今日剛巧亞婆上位,因為我湊住柏宇,所以沒去
整天在家陪囝囝,晚上同姨媽一家食飯,
今晚柏宇好叻,食左好多野,仲食埋甜品椰汁雙皮奶,好好味
不過唔知咩原因,今晚瞓覺好扭計,唔要奶咀,
後來才發現是爛左,佢可以吸入好多風,所以成晚發脾氣,瞓唔到
好辛苦才暗到佢瞓.另外我趕左好多晚工,準備送個十字繡福袋手機繩給邦做週年禮物
點知佢既反應係,唓,送第二d得唔得,當堂心情大跌,我第一個繡野俾佢,物輕情意重
都不知捱左幾多晚,佢俾個甘既反應我,激到無野講.
即時餘下未整好既都唔趕工,慢愎做啦.
男人係咪真係唔好對佢甘好呢?

21個月大啦

11月7日

今日係柏宇21個月,唔經唔覺甘大個囝啦
依家叻左好多,不過講野仲未清楚,要快d同佢介奶咀先得
今日無同囝囝影相留念, 爸爸有事夜返,我地10點多就上床瞓啦
因為囝囝今日2點幾就瞓醒左,佢應該好眼瞓啦
我就要暗囝囝瞓後起身做家務.之後仲要趕工做小禮物呀

煎粟米火腿薯餅

11月6日

今日突然好想煮野食,於是放工去左買材料
整粟米火腿薯餅,準備俾亞囝明天當午餐,
因為成日食焗飯怕佢悶
呢個餸唔難整,最大問題是如何令薯餅唔會甘易散
食譜教放入雪柜半小時冷凍,甘樣再整成球狀,改沾少許生粉,煎即可
我共整左11件,當晚即食了4件,囝囝好鐘意,佢剛食完5安奶,仲可以食多件薯餅
犀利呀.餘下既全部留明天給嫲嫲及柏宇做餸.希望佢地鐘意啦

老爺生日

11月2日

今日是老爺生日
昨晚整榚整到成3點才瞓,今早亞囝又7:45am起身,個豬仔好似鬧鐘甘準時
我地今早同爺爺嫲嫲飲茶,當然是我埋單啦,之後去左jusco,買左壽司俾佢地做lunch
晏d就去買生日蛋榚, 之後仲俾左500元奶奶買餸及封左500元利是,今日真係左好多錢呀
不過一年才一次,唔緊要啦.今次整既榚唔好食,太硬,而奶奶整既餸都唔多好食,
結果亞邦同良仔咪勁彈,好討厭,都唔體諒奶奶忙足成日,甘叻自己煮囉,
奶奶又唔出聲,甘耐弱,我好唔鐘意見到甘樣,平日己經甘樣,今日又係甘
我會提議奶奶以後有咩節日都唔好煮,免嘈.

第5堂pg

11月1日

今日因為晏左出門口,再加上塞車,所以我地遲左10分鐘才到pg
今日原來換左一個外籍miss上堂,佢都好識搞氣氛,我地去到時已差不多講完故事,
之後一直唱唱跳跳,柏宇都係坐唔定,走來走去,不過miss無理佢,呢個miss都幾好,
唯一唔好就係早左5分鐘放學,即是今日我地只上左30分鐘,好快過,希望下次唔會甘早落堂啦
放學後我地入左屯門,入到去都成5:30pm,先去探daddy,成6:30pm才過去媽家,今晚出街食,
亞媽請,因為佢托家姐去macau賭2鋪,win左1500元,
傻瓜黎既,有錢都留返佢啦,我地食完都9點幾,我返去仲要整馬豆榚.for明天老豆生日食架.

第4堂PG

10月26日

今日一早煲好湯及煮定飯仔,因為亞囝要返PG
我地係屋企食左腸仔,火腿,蛋後,就準備好要返學
今日又係無瞓覺,不過好在柏宇唔係太扭計,
不過都係唔坐定,周圍走,其他小朋友好乖坐定聽老帥講故事
後來到聽歌跳舞時,柏宇才好開心甘玩,佢仲好得好大聲,
吸引所有人既注意力.唉.去到邊都吸引人,真無佢乎
連老師都好似特別留意佢,可能係得佢一個曳曳啦.
不過我自己覺得,俾佢返PG,唔係要學D咩,最緊要佢唔抗拒,玩得開心
唔一定要英文叻,因為童年好緊要,唔想佢甘快有壓力.
留個美好既回憶.
另外今日柏言一家出來探我地,我地去左黃埔公園玩,
亞囝好耐無去打鞦韆啦,玩到唔肯走,反而柏言就麻麻地鐘意
晚餐是柏言扭計要落地,大佬都無佢乎,結果大家好葱忙食完飯就走啦.
亞囝今日仲試飲左啤酒添呀,不過佢無特別話要飲,但又唔抗拒.

註:今日才試食馬豆榚,味道OK,只是榚身較軟,下次再改良

試做小食

10月25日

今日不用上班,我買定了材料,打算今日整干燒伊面及椰汁馬豆榚
結果伊面味道OK,只是淋了一點,不過囝囝好俾面,食左一碗呢.
今日JOYCE出來探我們,本打算俾佢試下椰汁榚,但因為我太晚才做,所以來不及雪,
佢地無口福啦(正確來說是佢地行運,因為不用做白老鼠)
晚餐去左打邊爐,好早就食完回定家了,期待JOYCE姐姐下次再來探柏宇啦

亞囝伸手攞菜食

10月20日

今早收到媽通知,裔中被炒了,補左少少錢
唉,現在生意差,將有好多公司會裁員.
不過我唔擔心,我遲早都唔做.
今晚食飯時,亞囝主動伸手去攞菜食
佢以前未試過的,甘後來佢堅持要,
就俾左條菜根佢,佢可能牙痕,不停咬
結果我將d皮撕走再俾佢,佢食左成7-8條
好叻仔.不過飯就唔多食,越來越瘦,
希望佢快d出晒d牙仔,食返多d野啦

返屯門探公公

10月19日

早幾日得知公公唔舒服,今日放假即一家入去探佢,
我地己有好多個月未見過佢
入到去已好晏,同昊昊,浩云去完公園玩後就同公公吃晚飯
日後真的要抽多點時間去探下公公及婆婆才行

第3堂pg

10月18日

今早退左燒,打算俾佢返學
因為佢好鐘意唱唱跳跳,
唔知是否未好晒,個人好扭計,打算唔返啦
到佢情況好d,跟住問佢返學好唔好,佢又答好
甘咪好趕甘同佢即出門口
返到pg,都好扭計,唔肯坐定,要四圍走,
最終要食晒d糖才落堂,連老師都叫我要睇住佢,唔好俾佢周圍走
甘我都知,因為會影響其他同學仔.
希望亞囝快d適應返學環境啦

發燒呀

10月17日

今日中午奶奶打俾我話亞囝好熱,但耳探係屋企
於是奶奶賣亞囝肛探,成101.2度
甘我都無辦法,唯有快手d做完公司d野才回去同佢睇醫生
我地以為亞囝唔知是否俾野咬腫左個額頭,定還是出牙,所以才發燒
點知醫生話佢可能感親,食左一次退燒水就好了
不過這2日亞囝好扭計,可能就是唔舒服既先兆掛
點都好,最緊要亞囝快d好返,唔想佢辛苦呀

婆婆生日

10月13日

婆婆生日快樂,祝妳身體健康,日日都開開心心,心想事成,
快d中mark six, 等媽媽可以退休,唔駛做呀.

第2堂pg

10月12日

今日返第2堂pg,不過今日可能早起身又無瞓覺
佢成堂都好扭計,嘈住其他同學,我細聲同佢講野佢唔聽,
要我好似傻婆甘大鬧佢才靜一陣,唉.我唔想甘樣,因為佢會有樣學樣
之後成日都係咪,我同亞邦協議,我地要control eq,唔好打佢鬧佢,要慢慢教佢
細聲d,佢仲細,有得教的.晚餐去蘇記食,唔知亞囝係咪唔鐘意個度
又係嘈得好緊要,要我同亞邦輪流食,另一個就抱佢出去行
之後隔離枱有隻狗仔,亞仔唔怕,要走過去搞佢,又摸又錫,我就好驚啦,
點知隻狗會否咬佢架.好彩佢都係玩左一陣,之後我地快手食完走啦.
總括今晚餐飯食得好辛苦啦.

柏言堂哥2歲生日

10月11日

今日是柏言2歲生日
我地約下午5點才入到去
爺爺及嫲嫲先入去,我地去到即食野
adam姐姐整左3大盤小食,有波羅腸仔,啫喱糖,沙律吞拿魚餅干
之後仲有蛋榚,晚餐食炒飯,意粉,羅絲粉(配白汁及茄汁),好好味
玩到8點幾就走啦,因為亞囝好攰啦.
不過今日柏宇有少少忟,佢打左柏言一巴,又met佢,真係要好好教佢至得

20個月大啦 / 同婆婆慶祝生日

10月7日

今日係柏宇囝囝20個月大啦

由於要就時間,所以我地選左今日同婆婆慶祝生日

今次仲預左太嫲及姑姐,連同家姐一家及細佬一家,共10大3細

去左朗豪酒店食lunch buffut, 每位要228,都幾貴

不過唔緊要,最緊要開心就得.太嫲又未食過buffut,好想帶佢去試下,

人一世物一世麻. 太嫲今年都80歲啦.佢仲行得食得,好叻架啦

不過最叻都係姑姐,因為佢一早打左去酒店,話有人生日問有無special offer

酒店最終送左個8吋大既cookie俾婆婆,好靚架.如果要買都要成百元

雖然野食唔多選擇,但婆婆都好開心,一家人慶祝麻.

我出年就唔做野,都唔知出年仲可唔可以請婆婆食飯.

之後我地去左行尖沙咀,差不多成5點大家就各自回家了

太嫲出左來成7個鐘,怕佢太攰.不過end up佢都ok.叻叻呀.

我地仲約左下次去食齋,好期待呀.

先祝婆婆身體健康,心想事成.日日都開開心心.

國慶日(留港振興經濟)

10月1日

今日國慶,可以放假陪囝囝
今日去左jusco shopping, 主力都是買定d衫褲俾亞囝出年夏天
因為換季,好多衫都係19.9元,好平
而且有品質保証,我今日買左19件衫及褲俾柏宇,
大部份係出年著,有部份係依家都可以著的
因為今個sat會同亞囝返noddy playgroup
佢無咩長褲出街,唔好著得甘寒酸麻.
埋單都唔駛500元,唉.最多我自己慳d囉
不過如果日後唔返工,就唔可以再甘洗錢啦
所以我都要學下唔好甘大洗先得.

同昊昊慶祝生日

9月27日

今日我地提早左一日同昊昊慶祝3歲生日
今早同囝囝及奶奶去左noddy公司買野,因為有張500元書卷到期啦
甘不如睇下有無野可以買俾昊昊及柏言生日啦
甘我地又可以慳返d
嘩,原來唔係甘難去架咋
我去到都好多野買,仲好多都係100元
我買左2套winnie the pooh (mon到sun)既書連cd都是各100元
另外仲有2套格林童話vcd各8隻,又係各100元
仲買左1set6隻bob builder vcd都是120元
埋單只需俾20元即可,好抵呀
之後同囝囝去左mcdonald食薯條,佢好鐘意食呀
等爸爸收工就入屯門同昊昊玩,晚餐去左元朗食燒海鮮
不過可能我唔受得,食完已唔舒服,仲要坐的士回媽家,
痾左3次才可坐巴士回家.嘥晒d野
亞囝就因為太攰,係巴士瞓左啦.
一覺瞓到大天光.佢今日都好開心呀.

成條粟米係甘咬

9月19日

今日嫲嫲煲左紅羅白粟米湯,係囝囝最鐘意飲
佢晚餐時都飲左碗,當我食粟米時,佢又想食,我開頭就逐粒俾佢食,
後來試下成條俾佢咬,估唔到佢仲鐘意,因為佢可以磨下d牙仔,
結果食左2條半截才收口,呢個人仔好厲害呀.

追月

9月15日

今日追月日,我地又係無地方去,不如入去家姐屋企,等柏宇同昊昊可以一齊玩
我地今日好忙,先去深水步買手指,食完野再入去天水圍,去到都3點幾啦
佢地2兄弟又係爭巴士玩,好搞笑,婆婆黎到就買左個robot俾昊昊,又買左個mcdonald車俾柏宇,
好cute呀.我都鐘意.點知2兄弟鐘意對方個份,但柏宇始終最愛昊昊架金色巴士,
唔肯放手,最後我地都攞左回家,另外,5點幾我地同小朋友去公園玩.
可能我太緊張,原來亞囝好叻架.佢又大膽,玩sir滑梯一d都唔驚,仲唔要人扶,自己爬返上去.
玩左約一個鐘就返去沖涼,準備打邊爐,今晚好豐富,姐夫買左花甲,大蝦,象拔蚌,好正.
食到唔捨得走.亞囝就因為只瞓得35min,所以佢回家途中已瞓左,一覺到天光.
希望好快再一齊玩啦

中秋節

9月14 日

今日無地方去,留係屋企,我地一家瞓到10點半.
亞囝自己係度玩玩具,之後等亞囝瞓醒才上去奶奶家食飯
飯後同囝囝去左海心公園玩燈籠,爸爸仲買左螢光棒,亞囝好鐘意.
因為太多人啦,行左一陣就去左亞yan鋪頭坐,又食餅又飲益力多汽水,好開心
唔記得當時講緊咩,我叫柏宇錫亞yan個女,亞yan又叫個女錫柏宇,
佢地2個剛好咀對咀,甘熱情既一刻唔記得影低,好搞笑
我地仲買埋串燒返家食,當場唔會少左亞囝個份啦.
搞到夜晚都唔敢俾奶佢食呀.

同太嫲慶祝中秋節

9月13日

明天才是中秋節
我地一家,家姐一家,細佬一家,及媽一齊同姑姐及亞嫲出去食飯慶祝過節
講真,見得一次得一次,我地去左樓下商場食飯,叫左一圍,d野都幾好食同埋大碟
埋單都係2388元,ok啦
今日最乖係柏宇囝囝,可能佢瞓左一個鐘,所以食飯時無咩扭計
佢仲好犀利添,由頭帶到落尾.
等我數下有咩餸食啦
首先有燒味併盤,龍蝦伊麵,西芹炒蚌及雞柳,蒸魚,燒雞,紅燒雞絲翅,椰香雞卷,瑤柱蛋白少飯,干燒伊麵,紅豆沙同西瓜.亞囝除左椰香雞卷同干燒伊麵無食外,全部都有食,仲要飲左1.5杯紅羅白粟米水
呢個人仔好大食呀.唔好睇少佢呀.我臨瞓前都唔敢俾奶佢食.驚佢唔知飽.
總之今日太嫲好開心啦,因為好少何甘多孫佢bb一齊食飯架
我好希望日後可以多d時間陪太嫲,我地仲約左下次去食buffut
因為太嫲未去過,人一世物一世,咩都試下麻,
雖然佢今年80歲,但仲好健康,行得,食得,都好好中氣.
祝大家中秋節快樂,日日都開開心心啦.

叫媽咪 / daddy

9月8日

今晚同亞仔食雪條,利誘佢先叫媽咪, 個豬仔講媽咪呀.好鬼c甜
之後叫daddy,不過無甘清楚,但俾我地知道,原來亞囝係識叫,只是唔叫姐.
個豬仔真係氹得我地好開心呀.

自己聽電話

9月2日

今早我人在廁所,囝囝自己坐SOFA
我個手提放在佢旁,剛好嫲嫲打來,
咪我又未出去,點知亞囝自己左按右按,按左來聽
除了按左接聽外,仲按左SPEAKER,我一直聽到奶奶把聲,
亞囝又講左句:"咩呀",好好笑,
之後亞囝收左佢線.個囝學野好快,所以我地要做好榜樣,
等佢唔好學壞.

送太婆上山

8月30日

今早7:45AM就出門了,因為要送太婆上山,
我地8:30AM要到靈堂.教會既李姑娘叫我地等會每人送一支花給太婆
我親手在我媽媽送給太婆之花籃內,剪了一支太陽花,
作為我,媽媽,柏宇的最後一點心意.
完成所有儀式,我地去左食英雄宴,席間聽袁牧師講學,
希望日後有機會同柏宇去教會聽學,等大家都心平氣和
下午我地一齊去左行尖沙咀,仲買左對NEW BALANCE鞋他俾囝囝,
越買越貴,成$280元,唔緊要啦,搵得來洗得去.
俾心機搵錢咪得啦

太婆出殯

8月29日

今日係太婆出殯,因為柏宇不能出席,所以我搵左婆婆出來湊佢,
我就整好飯仔俾佢食,起初仲擔心婆婆少見佢會搞唔掂
點知婆婆湊仔好好,不但無扭計,仲好乖.
甘我都可以安心去送太婆最後一程
我本來以為自己情緒都ok,但係最終都忍唔住喊左出來
因為太婆信奉基督教,並且已洗禮,所以奶奶按太婆信仰用基督教儀式進行
只有鮮花,還有牧師,教會人員唱聖詩.
約9點左右做完所有儀式,我們就回家了.
因為囝囝由7點瞓到我們回家都未起床,婆婆還未食飯,
所以我要早點買東西回去給她吃.早點睡,明天還要早起床

創業(小試牛刀)

8月22日

今日8號風球,多了1天假期
但老公就要返工,所以得我自己湊仔仔
我今日訂左少少首飾架,又睇左d耳環,項鍊...都好靚,
各入左少少,同家姐一齊搞下生意仔,不過一邊湊仔一邊上網真係好辛苦
部機又成日hang,搞左成日先至俾晒錢,等收貨即可
成日都無咩陪過仔仔玩,唉.有望d生意可以ok啦,
甘過年quit左份工,到時再決定是否搵過份新工啦.
萬事起頭難,加油呀.一定得.

學識用杯飲水啦

8月20日

亞囝終於學識用杯飲水啦,一飲就成半杯,俾用飲管快好多,(如果肯飲的話)
回想之前學識用飲管時,又係好開心,因為俾用匙又飲快d.
一日一日長大,學得好快.真係大個囝啦.

我又失控啦

8月18日

昨日去左同太嫲飲茶,好多個月無見
佢地做左帛金俾亞婆,甘我去攞順便探下亞嫲
亞囝一見太嫲把遮就要攞,佢一向都好鐘意玩遮
姑姐就靜靜地出左去買把小童用既俾佢,
佢好鐘意,唔放手,個個都錫佢,我都好開心,
我地都坐左成3個鐘,之後要出去買葬禮穿之衣服
不過買唔到,之後再去買左箱奶粉,
可能太熱,又攰,之後唔再行啦,我地坐的士返屋企,再去奶奶家食飯
之前講過最近亞囝成日扭我抱,我手,肩都好痛,亞囝昨日只瞓左約1個鐘
已好攰,甘我即刻整飯俾佢食,點知佢要自己食
我唔俾,佢就一手推開我,D飯就倒瀉左,我就即時火都黎啦
就好大聲鬧佢,甘佢定晒, 奶奶就叫我唔好鬧佢啦
佢係扭眼瞓姐,我都知,不過當時真係控制唔到自己既情緒
之後飲湯佢又係甘,輪到佢老豆發火,結果因為我地2個湊仔意見分岐,
又嘈,不過奶奶叫我地唔好嘈啦,因為佢好唔開心.甘我咪收聲
得返佢自己一個繼續自言自語.返到家成10點,隻豬仔先瞓覺.
到今日下午先知原來谷M COME,所以個人先甘燥.
真係要訓練下EQ先得

亞囝好怕人

8月16日

由於亞婆去世了,姨媽一家來了香港,準備商量如何處理亞婆之身後事
亞囝一多人就瞓唔到,所以我12:30氹左佢瞓,佢瞓到2:30起身,
剛好全部人都在,佢一見多人就喊,只肯要我抱,真係去toilet都唔得
連老公,嫲嫲都唔跟,不停狂喊,最近這幾日都係甘,我都好心力交瘁.
結果出去走廊即時收聲唔喊,始終佢都怕甘多人.
最後等佢地全部走晒,我同亞囝先返入屋,佢至好似平時甘樣咋.
到6點佢地搞掂晒,叫我地落樓下食d野,之後我地去左jusco
晚餐食燒bbq,亞囝可能好多個鐘無瞓,
野都唔多食又扭計,大叫大喊,最後由爸爸抱左出去外面,
佢才安靜瞓覺.其實湊左甘耐,都大致知道佢脾性
佢一處於陌生既室內環境就會不安.明知要平心靜氣氹佢,
不過自己有時因為好多外在因素,結果成日都發左脾氣對佢.
唉...我eq真係好低呀.我都好想溫柔對個仔,又怕對佢好得滯,佢會恃寵而驕
惡得滯,又怕對佢心理有影響.原來做人亞媽好難架.

農曆七月十四

8月14日

今日是農曆七月十四,本來打算早點回家,

因為亞婆去左,怕奶奶會亂諗野,

所以決定食完飯陪多佢一陣才走

今日可能是正日,街上好多人燒元寶

因為小朋友及老人家最易見到DIRTY野

回家唔到10點,我地全家已瞓啦

點知今晚成晚醒, 仲要亞囝又成日喊一兩聲,

到近天光時份,亞囝狂喊收唔到聲,又唔俾我掂佢

抱佢,氹佢,全部唔得,惟有坐係度睇住佢喊

到佢自己收聲啦,見我瞓低佢又喊,我咪起身陪佢囉

終於都停左唔喊,返來我身邊瞓,唉...都唔知是否回家時見到人燒元寶

所以嚇親.七月節真是要小心.

發燒101度 + 亞娑去左啦

8月13日

話說昨日打完針,昨晚亞囝大叫大笑

到今早起身,佢個人熱熱地,同佢探熱成101度

唉...昨日我請左半日假,今日唔知要唔要請假,

即時通知奶奶話佢知亞囝發燒.奶奶即時去買竹庶煲俾囝囝飲

甘我就返工,諗住LUNCH回去同囝囝食藥,

點知12:30奶奶打來公司話我下午一定要請假

因為醫院打來叫奶奶今日下午4點去QE,

甘我即刻快手快腳做埋D野走人,

返到去,個仔都好扭計,因為未退燒,甘奶奶去完醫院後話

原來亞婆情況唔太好,要奶奶決定是否同亞婆做內臟既TEST

要明天覆,甘我地晚上大家商量後都決定唔做,

因為亞婆年紀大, 就算CHECK左是CANCEL都唔會同佢做手術啦

甘我地飯後就回家,因為亞邦感冒未好,我地已經沖好涼,

打算早D瞓,點知8:45分收到亞媽電話,話醫院打來話亞婆剛斷氣,現搶救中

甘由於亞囝發燒中,我無去,亞邦即坐的士接奶奶一同去醫院

大佬及大嫂剛探完亞婆去附近吃飯,仲有表姐同良仔都即趕去醫院

其實可能亞婆心願係想見下大佬,因為佢一向錫大佬,了左心願,咪去囉

因為我地去甘多次,亞婆都無講野,但最後大佬去探佢個次,佢走時又開口同大佬佢地講"走啦"

甘都好既,亞婆都83歲,又唔多郁,又食唔到野要揷喉,好辛苦,

早D去對佢來講係解脫.希望你安息啦亞婆

歲半返健康院

8月12日

今日約左同亞囝返健康院打針同埋做評估

因為講野好少,所以安排左2歲時再返去評估,無所謂啦

有人跟進都好呀

之後仲約左去私家醫生打肺炎針,原來歲半既4合1針係要打膊頭架

之後肺炎針就打大脾,同樣都是打左邊,喊到個傻豬.好可憐

醫生都話我好狼,因為俾個囝一次打甘多支針,

但沒有辦法,因為如果打完針係有反應,會發燒,我寧願佢病一次,

好過病兩次,因為除左亞囝辛苦,奶奶都我都會辛苦

我所有針都是在健康院打,慳左唔少,今次這枝HIV要打2枝

每枝830元,好貴,唉...鬼叫政府唔包咩,依家又甘多菌

遲D仲要打水痘針,其他我就再諗下打唔打先,

因為打針都會痛麻.唔想亞囝成日喊.

相識紀念日

8月10日



今日係我同老公既相識紀念日

我地識左11年啦

諗住係屋企煮餐飯慶祝下

早上我地去左漢寶飲茶,原來比樓下個2間酒樓抵好多

我地點左8樣點心,連茶錢埋單都係80元,d野仲好袋食過其他酒樓

開頭諗住打俾奶奶一齊飲茶,點知佢話我地知亞婆剛入急証,

於是我地諗住等亞婆settle好後就去睇佢,甘今日就唔煮啦

我地一家,奶奶,表姐6點到左QE,亞婆揷左胃喉.

可能有食物到肚影響,佢面色幾好,我地見佢全程合埋眼

但同佢講野都有少少反應,亞囝就係外面等

我地逗留到7點幾就去左明星酒樓食飯,

可能湊仔消耗體力大,我食左成1.5碗飯

奶奶要趕回家煮菜俾老爺食,所以佢食完就走先.

我地就帶埋表姐去港鐵站才坐巴士回家

學習廁所

8月9日

今日去左jusco買左個學習廁所俾亞囝,佢一手拎住左個小型的
不過好易倒到一地都係,到時就煩到嫲嫲啦
最終我買左一個可由下面拉出來清潔的,有蓋的,就算佢成個拎起都唔會倒到一屋都係麻
另外又買左一頂bb浴帽,唔知亞囝用唔用呢.
晚餐我地去左美心快餐食飯,我叫左個兒童餐,內有肉醬意粉,炸薯條,蜜糖雞翼,啫喱糖,
賣26元,都ok,亞囝食左好多粉呢.不過真係幾好食架.

又食pizza

8月8日

今日是奧運開幕,我要叫左pizza當晚餐
不過可能order多,要等2個鐘才有得食
好慘.餓親奶奶及亞囝,屋企得返一個小饅頭,我都將佢分左俾奶奶及亞囝,
其實我自己都好餓,不過無法啦.差唔多都9點才送到,
我地唔駛半個鐘就將d外賣掃晒啦.因為大家都好餓麻.嘻嘻

亞囝歲半啦

8月7日

囝囝今日歲半啦,今日無咩同佢特別慶祝,都是在家吃飯
不過我就叫定爸爸今晚同佢影相,因為過往爸爸都成日唔記得係囝囝每月7號同佢影相留念
今次一早講定,希望留個美好回憶

又食buffut啦

8月7日

今日lunch食buffut
去左紅磡海逸酒店食,我地有8折,每位都要198元,好貴呀
今次去我食得特別開心,因為lily同我一齊坐,我無甘悶,
仲食多左,我都食左3轉,再加豆花,楊枝甘露,仲有水果呢
今次真係多謝廖生甘客氣,不過都要多謝馬生大手筆,廖生又要慷慨先得
我仲攞左紅'早'雪耳煲雞湯,同燒牛仔骨俾老闆,佢都食得好開心.
可能d人會覺我我擦鞋,不過都要老闆受先得架.
我只是平常心對待老人家.好心有好報的.

又打風啦

8月6日

今日凌晨4:45,老公手提嚮,都知唔慌好野
原來宣佈5:45會掛8號風球,老公要即時起身返工
我好唔鐘意打風,因為老公要返工,好鬼危險
我同亞囝瞓到成9點先起身
下午又瞓,我就2點起身,即煮茄汁腸仔意粉佢食,
仲夠時間俾我食左蝦子麵,佢先3點起身.剛剛好.
個囝好鐘意食,不過可能佢牙仔少,要慢慢食,都食左成40分鐘
不過無所謂,最緊要佢鐘意食.
至於晚餐,我地去左大家樂,不過7:30已經賣晒d扖餐.
於是我地去左大快活食,我就亞囝叫左白菜草菇牛柳飯.
有菜,肉,飯.亞囝都可以將肉食左,d飯同菜全部吐出來,
真係叻得佢,俾佢激死.
甘細過就'簡'飲擇食.真係要教下先得.

又去shopping

8月3日

話說昨晚公司俾左個surpise我地,
就是每個人都會上台,公司頒獎給我們
感謝我地幫忙.不過原來裡面有料架,
就是支票一張,我有2000元,做滿一年有1000
公司最長個個做左38年,有3萬8,好開心,
佢個信封好靚架,好有紀念價值.我會好好保存.
我用左個d錢去買左一個單人電飯煲($398)俾亞囝,
再買左套hi-fi($998)俾奶奶,算是對奶奶一點心意.
我發覺自己真是一個洗錢專家.
d錢放唔得耐架,為左亞囝著想,真係要慳d啦

公司五十週年

8月2日

係公司五十週年
好開心可以參加.我一早買左衫出席,媽咪則買左件小外套俾我,我又問大嫂攞左d晚裝手袋
好靚架.公司d同事仲夾份請左2個化妝師去海景嘉福酒店,我同另一個同事坐的士約5點到場
公司d同事都未化妝,6點就開始酒會,8點入席.點知一去到,我地想入去新娘房等化妝
d同事就話好迫,唔好入,甘我地咪係出面做住receiption工作先,點知等到6點才化完一個出來
6:30我咪嘈囉,簡直離譜.公司分配好工作,d人未化妝就唔出來做野,我都未化妝架,
就要面對甘多客,將心比己.於是有個同部門既同事咪入去講囉.出來話下個出來就叫我入去
我6:40入出,7:10就己set頭化妝出來.都唔知d人係入面甘耐做咩
不過一入到去,又俾人串.問我是否發脾氣,話知唔知係佢地來先,我夠知佢地黎先
不過我心諗到底是佢地麻煩多要求,定係化妝師手腳慢.佢地6個人,到6:30才化左3個,
由4:30開始化,會唔會耐左d呢.公司講明酒會6:00開始,是否preperr6點先幫所有人搞好晒呢.
又要匿埋唔出來,野又無人做.個個為自己,都唔知係咩人.
好在我出聲嘈.原來化最遲個d人無時間set頭,抵死.
否則個我一定是我.d人對我單單打打,無所謂啦.
又唔係佢地出糧俾我.我個晚同lily影相都好開心.
問心我唔覺得個妝化得我靚,好過無咋.
最開心係識到lily. 成晚碧姐同lily幫我影左好多相.好多謝佢地.
走個時都11點幾了.回到家都差唔多12點.
好攰.要早d瞓,但落妝同拆頭髮用左好多時間,d感冒又開始發作啦.
真係要小心小心

小病變大病

7月30日-7月31日



今日起身已有少許傷風,流鼻水

都諗緊睇醫生還是配藥食

結果捱到放工去睇醫生

好彩只是小傷風,甘我食一次藥就去上網搵資料,

爸爸就同bb瞓先

點知到11點到,我覺得好唔舒服,個鼻塞晒,

個人好攰兼成身都痛,一探熱都有100.4度(發燒)

根住就發冷,不停震,即去瞓覺,我打地鋪,因為唔想傳俾個囝

到7月31日早上起身,成身仲好痛,抖氣又辛苦,

仲見頭暈同想嘔,一探熱100.9度(比昨晚仲高)

亞囝當時又喊緊,老公又氹唔掂囝囝,佢不停喊,我抱佢又見暈同作嘔

結果我即時瞓返上床,個囝坐係床邊喊,我即刻叫佢call奶奶來湊bb,

因為囝囝連奶都唔食,不停喊,個刻我心好痛,自己好想抱個囝,但都做唔到,

好內疚.原來亞媽病,個仔真係會好慘架

結果奶奶來氹左亞囝食奶,並帶左上佢家

亞邦就等醫生開門,佢同我去睇醫生,再送我返奶奶家才返工

我就係奶奶家瞓左一日,退左燒,好好多啦

今次之後,真係要小心身體,因為唔只自己,人地都會好擔心架

超級攰

7月27日

今日出左去行左成6個鐘頭街,
今日無煲粥,中午爸爸買左個蕃茄牛肉雞蛋手削麵俾我同囝囝食,
亞囝食得好滋味,真係好好味呀.
之後去左睇現在好興個d格仔箱,我地研究緊有無得做,
因為好多野都可以係網上搵到,不過租個好d既位要成$880.
都唔知是否可回本,放上yahoo賣又要俾錢,都係要諗下先
我見到d耳環受項鍊都好靚,唔知有無得做呢

爸爸生日

7月26日

今日係爸爸生日,早2日已切左生日蛋榚,今日我同囝囝一早入屯門
約5:15pm才由婆婆家出發去黃金海岸沙灘玩,爸爸一早買定d沙灘玩具俾bb,
去到剛好無咩太陽,已是黃昏了.亞囝可能眼瞓,吽吽地,不過佢自己玩沙都玩得好開心,
今次係第一次同佢去沙灘玩,佢都好鐘意,反而昊昊好驚dirty, 最後要婆婆氹佢才玩
可惜時間有限,我地6點就要沖身準備去酒店食自助餐,囝囝都玩到唔肯走呀.
唔緊要,媽咪應承囝囝一有時間就去玩過.
去到酒店,嘩.....好多野食呀,我地坐2樓,都有少少野食,
1樓最多,但我第一時間出左去花園攞bbq食物,我手拎2隻碟,未行完個花園,已裝滿晒啦
唯有返上去放低先,才落黎進攻,爸爸話d燒西冷好正.家姐又話燒羊架好味,
囝囝都食左好多野,薯仔餅,豆腐,腸仔,雞肉,魚,炒飯,蛋榚...西瓜都食左2片,又食左少少提子,哈密瓜,火龍果等等.昊昊就對d蛋榚,雪榚,朱古力好有興趣.媽咪佢有恒生咭,有7折,埋單都無每人$280,好抵.媽咪同老公每人叫左杯生啤,成$55杯,都好貴,不過埋單時發現佢唔記得收,嘻嘻.仲抵呀.
可能囝囝成9個鐘無瞓,已好攰,仲食飽後,我一抱上手就瞓左啦.
正一傻豬仔,不過只瞓左一個鐘,我地成10點先走,上車後因為有小朋友嘈,所以囝囝瞓唔到
差不多都土瓜灣才瞓著,唉,返到屋企叫醒佢沖涼就喊到拆天,甘先見到佢原來上面出左2隻大牙,唔怪得之前甘扭計啦.佢奶都唔食就要瞓啦.總括今日大家都好開心呀.

第一次版聚

7月25日

今次第一次版聚,
之前同求其姐已成日msn
今次仲識到好多人,好開心,佢一d都唔肥,
可能我都好耐無去玩,所以我都十分投入.
3s 真係好高大,好好人,仲俾左tips我地呀
好期待下次既gathering

又食蛋榚啦

7月24日

仲有2日先到老公生日,因為明天約左朋友食飯唔得閒,
所以提早左今日同老公切生日蛋榚
最開心當然係囝囝,又有得食啦
今次專登買左個黑森林蛋榚,俾亞囝試下朱古力
佢食得不知幾滋味,真係一隻為食豬仔.

扭pat pat

7月21日

亞囝最近好多古靈精怪動作同表情
今日大佬同大嫂去完醫院探亞婆,
之後黎左奶奶家,亞囝係地上企係度扭pat pat
好可愛亦好搞笑,個個都望實佢,都唔知佢係咪專登引人注意.

爸爸的生日禮物

7月20日

今日專登出左深水步去買禮物俾老公
本來想送銀包的,但老公話想要其他野
甘反正都買,咪買樣佢鐘意既野囉
結果好快手,佢就買左一個相機袋及一個手柄
埋單1000有找,不過就真係要慳d啦
留返d錢傍身.

吐魚骨

7月15日

今晚我加班遲左返去.奶奶先整魚俾亞囝食
仲話亞囝'妹下妹下',問佢係咪有骨,叫佢吐返出來,佢無反應繼續食,
甘奶奶咪再俾第二啖去食,點知佢食食下,將條好細好幼既魚骨移去咀邊,
甘老公見到咪即時幫佢拎走,但奶奶就好驚,唔敢再俾佢食
我唔知甘樣算唔算識食魚,因為我老公識,但我唔識.希望亞囝似老公啦
至於怕佢噎親,唔食都食左,如果之前個d有骨,佢都吞左啦,都無事啦.
儘量小心d咪得啦

亞囝識爬上sofa啦

7月13日

早幾日買左個烤薯片器, 今日試下整薯片時,老公話我知亞囝剛才自己由地下爬上sofa
好叻仔,不過我無見到.另外今日整d薯片真係同街買無分別,只是用mircowave收乾水份,
唔駛炸,叮好後自加調味即可,我就無加味,俾亞囝當小食,好脆,亞囝好鐘意食,仲可以整蕃薯片, 紅羅白片等等...依家亞囝越來越大,我會多d係屋企煮食,健康d麻.

炸雞翼

7月12日

今日係網上面學左整炸雞翼,係要用炸粉整既
先用鹽水將雞翼解涷,再用蒜鹽調味,一個鐘後,用炸粉開水,放雞翼炸即可
可能今次d雞翼好大隻,炸好耐先得.我食左6大隻呢.老公都話ok
我覺得又方便又快捷,日後可再整俾親友食.

17個月啦

7月7日

今日係亞囝17個月啦

話甘快就歲半,時間過得好快,囝囝學識左好多野

不過最愛都係蝦媽咪.曳曳豬.(成日meet我,咬我,拍我背)

行路穩左好多,不過可能出牙仔.成日好扭計

佢依家依然好少頭髮,只有7隻牙仔,73.5cm,9kgs (20磅都無)

係細碼bb,不過健康幾好,大吉利是講句,無病無痛,

可能轉左日本奶粉,無甘燥,仔仔又飲多左水,果汁,

眼瘡都無再返發.健康就是財富.

我覺得叻唔叻唔緊要,天生我才必有用.

最緊要健康成長,孝順父母及長輩就得啦.

睇相叫媽媽

7月1日

今日亞囝突然指住我同佢既合照,然後叫媽媽

以為佢撞彩,爸爸專登再指住問佢,佢都係叫媽媽

即係囝囝認得啦.好開心.

晚上外出食飯,由於囝囝扭眼瞓,於是我先自行坐的士同佢返家

回來即時沖涼,飲奶,同佢瞓,11點就瞓左啦

我今晚就食唔飽,湊住囝囝,好少會食到餐安樂茶飯

不過唔緊要啦.佢健康成長就ok架啦

買單車

6月29日

早前生日去JUSCO換左全日通
今日專登去買單車用,爸爸選左上面有UFO,
可以按制發聲既單車,最重要係後面有支桿可推
大D佢自己又可以踏,$312.5唔算貴
之後又去買魚油及羊奶片,個姨姨仲請囝囝食左3粒羊奶片添
原來佢可以成粒放入口都唔怕,真係唔好睇少佢地
亞囝仲食得好好味呀

買積木

6月28日

今日去左尖沙咀反斗城買左筒大積木給囝囝

佢今日係反斗城扭計,要坐係地下玩,無佢乎

真係頂好好教先得

爸爸話下次唔會再帶佢去,因為實在out of control

我知佢好鐘意食芝士包,專登買左條再加支鮮榨橙汁,

都有成10安架,佢一個人飲晒,勁和味

去左元朗探耀叔叔

6月22日

今日去左元朗探耀叔叔及mandy嬸嬸
今日好熱呀.亞囝去左佢地屋苑既兒童會所玩
有d大型車車,亞囝試左幾次之後就識自己坐入去
不過佢唔識向前行.一直向後退,好好笑.
又有大間玩具屋,佢好鐘意開門及關門.
其他d小朋友好鐘意爭玩具玩,亞囝玩咩,佢地就爭咩.
後來因為有小朋友咳及流鼻水,我地就離開啦.
不過仔仔自己行得好開心,唔駛人拖,都係一個好現象呀.
大個仔麻.

自製T-shirt

6月21日

今日亞邦同亞輝出去買材料,打算自製燙畫T-shirt,
如果成功便會上網sell,當賺freelance.
第一次來說都叫ok,不過要洗幾次,再看看效果如何.

又要返工啦

6月19日

放完5日大假,今日要返工啦
唔知係咪亞仔唔捨得,昨晚唔肯瞓,即使好多個鐘無瞓都唔肯瞓
成日想你起身同佢玩,媽咪都想陪住囝囝唔返工,不過唔得呢
唔返工就無得買野啦.我自己可以慳,但唔想買野俾囝囝都要諗過計過先買,
今日都返去遞辭職信.因為做得好唔開心.
寧食開眉粥,唔食愁眉飯.
但老公話除非我唔再打工,在家湊仔,否則度度做野都一樣,
做生不如做熟......唉......好頭痛呀

嫲嫲去旅行

6月16日

嫲嫲同爺爺由6月14日開始去旅行,6月18日才回來
我就要由6月16至6月18日請假照顧囝囝,
今日係第一日,亞仔今日共瞓左成5個鐘晏覺,
今晚我地同梁榮昌叔叔食飯,可能亞囝夠瞓,佢今晚都唔算扭計,
仲肯俾昌叔叔及sara嬸嬸抱,淨係中途曳曳打媽咪,
打完又要錫返我,吹帳,不過要教佢唔可以打人.
做一個乖既小朋友.

學刷牙

6月14日

今日第一次教囝囝刷牙,平時我刷時都有俾佢睇,
佢就會傻笑,今早第一次刷,唔期望佢一學就識,
只要佢唔抗拒就得啦.
佢都識將牙刷放入口,但只係咬,唔識刷,我捉住佢隻手教佢,
佢又唔制,唔緊要啦,慢慢來,假以時日一定學識既.

完全放手行啦

6月11日

今日放工夜到奶奶家,同亞囝沖完涼後,亞囝由床尾行到床頭,
第一次放手行甘遠,之後就成晚係張床度行,可能佢覺得好開心掛
因為又識多一樣野.不過我地就要更小心睇住佢,
佢周圍撞好危險架.見佢成長真係好開心呀.

黑雨

6月7日

今早7點未夠已掛黑雨,但爸爸都要返工,
我就湊亞仔返瞓之後開住電視機,睇下幾時取消,隨時準備要返工,
一直等到11點取消啦.唉!都唔知要唔要返,依家返到去都準備收工啦
唔理甘多啦.唔返,俾人咋型先算啦.
又多左半日陪亞囝,不過佢今日好扭計,成日喊,又唔似唔舒服,
可能天氣唔好,易忟d掛.今晚為左睇西片"獅子.女巫.魔衣櫥"
搞到好夜先俾佢瞓.佢又扭計計.不過套片真係好好睇呀.

生日快樂

6月5日

今日係我生日,早幾日媽咪及家姐已俾左利是我

今日心情幾好,原本老公話今晚同我外出食飯,不過我拒絕左

因為甘樣奶奶會知係我生日,我唔想佢又包利是俾我.

點知今早上到去,佢已經俾封利是我啦

我心諗佢無可能估到今日係正日,不過點都好啦,一返心意.

我今日都預左公司無人會記得我生日,不過我無唔開心,

因為生左亞囝之後,萬事都以佢為先,我唔會介意無人同我慶祝

放工返到奶奶家,原來老公買左個生日蛋糕俾我,我地食完飯再食蛋糕,好飽

佢仲送左隻4G既迷你手指俾我,銀色好靚架

事源係因為之前我話想買FLOPPY去back up文件,佢話依家仲邊有人用架,

於是靜靜地買左隻手指俾我,我無諗過佢會送生日禮物俾我,

佢上年都係送左碗豆花俾我咋.Anyway, 多謝晒呀甘多位.

識自己行啦

6月2日

今日放工奶奶同我講
佢話今日下午亞囝自己放手行左幾步.
唔知係咪昨日見到哥哥自己行,所以佢學到野呢
晚上回到家,亞囝自己係床放手行幾步,
好開心呀....亞囝終於識啦.
唔只佢開心,我都開心呀
當亞仔由我懷抱放手自己行,真係感觸良多
覺得亞囝大個仔啦.自己獨立啦.
但亦都會諗佢仲會唔會嗲我呢.
會否識行後唔再要我抱呢.
唉......lee個亞媽真係多野諗.
點都好啦.最近要佢身體健康就得啦.
佢開心等於我開心啦.

探柏言哥哥

6月1日

今日無咩做,去左探柏言哥哥,順便食siti姐姐煮既好味餸菜,
唔食無機會啦,因為姐姐就走啦.新來之姐姐唔知煮野好唔好食呢
今日柏宇囝囝都好乖,去到一齊玩d數字同abc字,又聽歌,又睇flash card.
囝囝好開心,成日爬來爬去,伯娘就辛苦d,因為柏言周圍走,伯娘怕佢撞到柏宇,
所以跟到實,始終差唔多年齡既小朋友一齊玩,學野會快d.
到晚飯後,囝囝又食提子,又食西瓜,下午已食左香蕉,好似勁食大賽甘,
好飽,到9:30就走啦,因為實在太攰啦.囝囝係車上已瞓到豬仔甘啦
返到家,如果唔係我幫亞囝抺身整醒左佢.佢可能會一覺到天光呀.
結果佢再飲多5安半奶再瞓......好大食呀....亞囝

又食bufffut啦

5月31日

我地約左去機場富豪酒店食buffut
訂位時講明主題係和牛+大蝦
點知去到先知改左係魚翅佛跳牆.
因為係佢地既錯,所以成晚free drink俾我地
不過坦白講,我行完成個場,真係無野啱我食,
不過唔緊要啦,最緊要一家人開開心心食餐姐

p/s: 今日抱昊云時佢向我對新鞋嘔奶,記住數先,18年後要佢買對新既.哈哈

撞瘀左個額頭呀

5月28日

今早亞囝係地下爬時,突然砰一聲,成個頭撞落地.
瘀左一撻,可能佢爬個時失重心,肉痛死我.
佢當然大喊啦.唉.真係睇少眼都唔得.
越大越要牛甘眼睇到實.因為成日爬爬走走,搞東搞西.好危險.
好易整傷,到時佢又辛苦,我又心痛.

大家一家人幫嫲嫲慶祝生日呀(欠左爺爺)

5月25日

昨日奶奶生日,由於要就大家時間,所以改左今日才食飯
不過爺爺都係因為未收工,無黎到.
我地今日去富臨叫餸食飯,d野都幾好味.
我最鍾意係壽包,成個拳頭甘大,每個包心都有一個蛋黃.
我地叫左12個,每日一個,都係賣10元一個,好抵食,又好味
我同仔仔半個2份食,爸爸就食1又1/2個.仲有個打包俾囝囝明天做早餐.
埋單都係1040元,我地打算同大佬各一半,佢又唔收我地錢.
話不如等爺爺生日我地俾啦.好啦.甘我地要儲定錢啦.
因為唔知爺爺六十大壽會唔會大搞,到時要用好多錢架.

同嫲嫲慶祝生日食飯

5月24日

今日係嫲嫲舊曆四月二十日生日,
我地因為要就齊所有人,所以訂左明天去富臨食晚飯
今日係正日,我放工買左個杏仁片蛋糕同亞囝及嫲嫲一齊食,都幾好味
晚飯本來唔同嫲嫲食,因為唔想佢煮.點知爺爺話唔返來食,
甘我又唔想奶奶自己一個人過生日,於是提議去紅磡食bbq
因為想帶奶奶試下d新野麻.埋單成350元,都幾貴,不過最緊要食得開心,
奶奶幫我湊仔,無功都有勞啦.唔好話生日請佢食飯,就算平時請佢食餐好既都應該啦.
祝嫲嫲身體健康.

痴住瞓

5月23日

最近囝囝有個習慣,就係夜晚瞓覺一定要'pa'住係我心口/肚腩先瞓.
唔知係咪佢想搵安全感呢.不過甘樣我都會幾辛苦下.
無得轉身,又俾佢壓住.都咪話唔攰.
佢多數瞓到半夜都會自己坐起身,再'pa'埋黎我度再瞓.
所以我一定會醒,有時一晚會幾次架.
唔知幾時先至唔再痴住瞓呢?

又學古惑啦

5月15日

今日亞囝d表情已經好古靈精怪,成日仲脷,奸笑
點知今晚放工食完飯返屋企,我打算同佢瞓覺之際,
隻豬仔突然伸手挪高我件衫尾,然後'meet'我肚腩,跟住ka ka大笑,
我怕'吱',所以我咪大笑,佢見到又再大笑,如是者俾佢'吱'左好多次先收手瞓覺.
lee隻豬囝都唔知係邊度學返黎既,越來越多古惑招式,就黎俾佢笑c啦

又買新鞋啦 + 可以放手行幾步

5月12日

今日佛誕, 唔駛返工, 我見得閒又同亞囝去jusco買鞋
原本想買黏貼既,不過又係因為亞囝隻腳跟位太多肉,穿唔入,個sales姐姐唔建議我買大一個碼
所以轉左另一個索帶款,我選左灰色+橙邊,好sharp,好靘.
之後我地2母子去左kfc食野,例牌叫左個走醬薯蓉俾囝囝食,
跟住去左亞yan鋪頭企左成個鐘傾計,亞仔仲攰到瞓左.
返屋企後,我同亞囝學行行,我在後扶住,等佢行得穩後就靜靜放手
佢自己可以行左7步,第一次咋,真叻仔.
不過之後佢有d驚,唔肯自己放手行.唔緊要啦.慢慢來.
已經係一個好開始啦

唔多開心既母親節

5月11日

今日係生完亞囝後既第二個母親節
不過今日唔多開心,因為佢c6嘈交,其實好少事,只不過日積月累,所以一發不可收拾.
今晚上左奶奶家食飯,大嫂一家都有到,我成晚黑口黑面,唔想講野,講又有咩用,
唔想勞氣,亦唔想係個仔面前嘈交,不過我既EQ就真係麻麻,因為今日我成日打個仔,
唔多唔少都係因為同C6嘈交唔開心所致,不過亞仔又曳,成日用手玩JJ,跟住就捽眼,
我打佢手掌除左心情唔好外,亦都因為緊張佢,之後沖完涼又唔俾我包片,周圍走,又俾我好大力打PATPAT, 佢先家左2秒黎喊,你話激死未,不過我事後檢討,其實唔應該打佢,佢咩都唔識,佢唔岩咪同佢講道理囉,所以我都要訓練好EQ先.以免傷害個仔.

姨媽生日

5月10日

今日我地提早一日同姨媽慶祝生日,順道一併慶祝母親節

今日我地搞大食會,我負責點pizza,家姐整意粉,裔邦及媽負責釀雞翼,海蜇豬脷,炒菜,炸魚,春卷,蟹柳,蒸雞等等...好豐富,飯後又食啫喱,之後仲食生日蛋糕.我就無出力啦,因為要湊住亞囝,所以出力幫手食啦.今日好開心,亞仔都好開心,我地好耐都無搞大食會啦,通常有人生日才會搞,不過就真係好多功夫,anyway,辛苦晒甘多位啦.

新鞋

5月9日

今日同亞囝去左買鞋,佢d鞋全部唔岩啦
由於佢腳跟多肉,d鞋岩長度,但就腳跟位好緊,d肉'bit'晒出黎
唯有買大一個碼,不過變相隻鞋仲長.
我買左對bob builder學步鞋,89元,ok價啦.
佢都好鐘意.個sales話最多著2個月到就會岩,
到時先再買啦.

15個月大啦

5月7日

今日亞囝15個月大啦, 今日自己玩玩下,講daddy, mummy,
不過唔係叫我地,佢係順口講姐,不過我都好開心,真係日日都有驚喜呀

講bye bye

5月6日

今晚去超市買野,有個女仔撞到亞囝架bb車
人地say sorry,亞囝舉高雙手向人地bye bye,
仲開口講左句bye bye, 都無第一次咋.
之後我叫佢講爸爸,媽媽,佢都跟住講,好叻仔

咬我

5月5日

今晚同亞仔係床度行來行去,佢突然轉身攬住我,跟住我好大聲呀........
奶奶問我咩事,我話佢知亞b咬我右手手臂,我大叫嚇親佢,佢才放口,
俾佢咬到有少少血絲,我都知亞囝出牙癢,無諗過佢會咬我姐
奶奶仲話無人叫我俾佢咬,真吹脹.

太婆生日

5月4日

今日提早同太婆慶祝生日
去左西貢康湖居食飯,因為表舅父在哪兒做厨
爺爺下午自己入去買海鮮,我地4:30PM才坐的士入去
由於太早到,我地去左附近行,今晚好多野食,
BB由下午4:00開始未停過口,不停食,
食完粥,又食豆腐,魚,雞絲翅,栗米芯,壽飽,火龍果,
真係飽得滯,嘔返D豆腐出黎,我都怕佢有事
返家後唔肯瞓,結果飲多5安奶才瞓,大食仔一名
總括今日仔仔都OK乖啦.
P/S: 今晚食飯見到溫碧霞&吳震宇,不過真人唔多靘.

V嘩BBQ

5月3日

今日成日係屋企,同亞囝一齊瞓到天昏地暗
爸爸去左溫書,約我地7:00去JUSCO等,因為佢要買辭典機呀
囝囝無咩耐性等爸爸,佢帶我去左百佳超級廣場行,
亞囝真係好LIKE行超市. 門口擺左D健康NUT COUNTER
嫲嫲好愛吃架.賣野既姨姨俾左3粒提子乾,3粒紅梅乾,我試過後都俾BB食,
佢好LIKE呀.俾佢食晒,我都買左紅梅乾,提子乾,南瓜籽,松子共80元俾嫲嫲食,
甘BB都可以食頭2種麻,臨走前姨姨仲請左10幾粒紅梅俾BB食(用個袋仔俾佢自己拎)
晚餐我地去左以前扖王之王個度食,佢依家開左一家新店"V嘩BBQ"
我地最LIKE BBQ,佢係你ORDER,即燒俾你,所以好新鮮
佢D份量細細地,可以叫多幾款
我地點左烤大蝦,辣油煮花螺,什錦炒烏冬,燒茄子,焗蛋,V嘩什錦串燒,焗菜,燒司華力腸,燒珍肝,燒雞腎,燒雞軟骨,焗奶油甘薯&啤酒, 埋單$321, 都幾貴.
佢仲專登推介我地ORDER甘薯,因為BB可以食,果真無介紹錯,好正.
其次V嘩什錦串燒都好好味,佢唔知係咪用左和牛,入口好鬆軟.
本來我地想食A級蠔,賣晒改食B級,都賣晒.下次一定會再食
因為我好愛BBQ,又唔駛整到甘DIRTY.

行左好耐呀

5月1日

今日放假,我帶亞囝去翔龍灣SUPERMARKET,
打算買明治大仔奶粉俾佢試食,
點知無貨,要去黃埔JUSCO,回家途中經過一家新開BB店,
同亞仔行完後,我俾佢試下自己落地行,佢好犀利,由個度行到返屋企大堂,
沿途仲帶我行捷徑,穿過惠康,佢終於返到大堂就坐係地下,好攰呀.
佢都行左成半個鐘,好叻,屋企無咩直路俾佢行,我彎腰同佢行個30分鐘,
成個人散晒,不過見亞囝甘叻都開心啦
等我多D同佢行行先

羊奶片

4月30日



我早前收到羊奶片sample

一直未俾亞仔食,因怕羶,結果我終於試左少少
幾好味,一包有3種味,有藍梅,紅梅,原味各一粒,
我從未俾亞仔食過糖,這種應是鈣糖之類,
我仲擔心佢唔識食,將一粒糖分4份,每次俾1/4,
佢第一次食時,識用牙仔咬糖,又識啜,好叻仔呀.
不過都幾貴,成$79/小樽,我仲考慮緊俾佢食LEE種定魚肝油.
依家BB又多左一種SNACK 啦

太嫲八十歲生日

4月26日(星期日)

太嫲係舊曆三月廿十三日生日
我地提前2日同佢慶祝, 今日出席有太嫲,姑姐,婆婆,姨媽,昊昊表哥,舅父,舅母,表弟,細舅父同我地一家,因為早前太嫲骨質疏鬆,有一截尾龍骨碎左,不能行太遠,於是我地去左樓下酒樓食飯.
我地好少甘齊人架,我知道太嫲好開心,因為四代同堂麻,除左過年,我地真係好少去探佢架.
始終有小朋友,係會忙D架,不過太嫲都好明白體諒.昊昊氹得太嫲最開心,咀巴好甜,柏宇囝囝就最曳曳,抓損表哥塊面,又一手拎左表弟個奶咀唔俾佢食,十足小霸王,真係要好好教啦.
我好希望太嫲長命百歲,身體健康,等我地可以考順佢,享下福呀

又係夜半三點鐘

4月24日

今次好d啦.
半夜2點幾打算起身洗手去開奶俾亞仔
一開厠所燈,好大隻甲由係洗手盆,即刻叫老公起身,
仍仲驚過我,但我唔理甘多,要佢打死佢,佢好好笑,著晒長袖衫褲,鞋,
屋企又無殺虫水,佢就用wd40噴死佢,然後叫我清理,我又驚,佢話佢都已經打死左啦,
應該我去清理,嘩.....我驚到成個人震晒.都無計,用張紙挑起佢沖入厠所,
再抺下甲由經過既地方,d wd40好油,越抺越油,終於做完,三點鐘瞓覺,
亞仔就因為我地甘嘈醒晒,我同佢講,叫佢日後大過要對付甲由,
保護爸爸媽媽.好傻呀......

夜半三點鐘

4月20日

今日煲左紅羅白栗米水俾仔仔清熱,因為想佢粒眼瘡自動消失,
甘就可以避免開刀,唔係肉痛d錢,而係亞仔辛苦,個仔平時都唔飲水,
所以好多病痛,佢今日都好乖,飲左13安,夜晚我要暗佢瞓先可以洗奶樽
點知我都一齊瞓著左.半夜三點醒左即起身去洗,否則明天無得用.
我都算得架啦.成日都半夜三更起身沖涼或洗奶樽.
不過無辦法啦.無人幫手湊仔,只好等佢瞓左才做啦

猴棗散

4月18日

亞仔食左4日西藥都仲有咳,而且左眼仲生左粒瘡
d痰唔識吐出來,我又幫唔到佢啜,於是去余仁生買左幾樽猴棗散,
打算俾亞仔試下化痰,食左2樽,d痰都清左好多,只係重有2聲咳.
都算好左好多啦.我仲留番1樽看門口添

咳咳

4月11日

亞仔今日要睇醫生,因為佢俾爸爸傳染左,
咳到嘔,我都好心痛,寧願代佢病.希望佢快d好啦

赤柱之遊

4月5日 (晴天)

今日我地三個女人好叻呀.

因為我地全女班+2個bb去赤柱.

雖然論盡d,不過好順利到達.

我地入到去已經1:30pm

先去美利樓二樓左邊的餐廳食lunch

點左一個兒童餐(有庶蝦意粉,橙汁,雪榚,仲有玩具送)

另外我地點左什菌雞卷,牛柳,爐魚天使麵一齊食

當然係食唔飽啦,太貴啦.埋單要320元

我地選擇晚點去大街d鋪食tea

今日最大收獲係買左4件tee俾囝囝,幾特別架

我仲買左其中一個款添,可以做親子裝.姨媽同表哥都係同我地買埋一樣款

下次出街一齊著,一定好cute姐

晚餐去左上食,真係麻麻,無上次潮樓甘好食,下次奶奶生日都係去潮樓好啦.

之後爸爸去左買鏡頭,又駛左4200大元,唉.........唔識講啦

bb今日都好攰,返到家都好快瞓左啦.

兒童節

2008年4月4日是兒童節,又是清明節
今日大佬約左我地去mega box買家居安全用品,本來打算同bb食兒童大餐
不過柏言沒有一同出來,我地中午去左食'越色'
食物都ok,由大佬請客.
之後去左大佬家同柏言玩,今晚又係打邊爐,我當然識做,買材料由我付款啦
都用左250元呀.依家買野真係好貴,今日無買野俾亞仔,因為唔啱,
唯有寄望明天赤柱之行啦.

識sit up起身

3月24日(星期一)

早2日亞b學識跪係度再起身

今日學識由瞓係度,用腰力sit up起身,

佢當然好興奮,我就惡夢開始,

因為佢唔瞓覺,成晚要sit up起身,

激死,佢一起身就會個頭撞到窗檯,

雲石做架,一定超痛,所以佢唔瞓,我就要看牛仔啦

怕佢有意外,識得越多就越危險,成日想搞窗花,電製

我又怕佢失重心跌落床,唉......

唔識又擔心,識又擔心.

真係做人亞媽甚艱難

識用飲管啦

3/23日(星期日)
今早教囝囝用飲管飲水,之前已學過,
不過唔多識,今日飲左15分鐘,終於飲到啦
佢飲到之後仲狂啜,之前唔飲水, 可能覺得好得意掛
都飲左好多水.之後繼續俾佢試,佢都飲到
好開心,除左奶樽以外,又學多一樣野啦

食BUFFUT

今日3月20日,我地一家,家姐一家,媽咪,細佬一齊去美麗華商場地庫TODAI食 LUNCH BUFFUT
LEE間主要食日式及海鮮為主,我就無咩所謂,大家啱食就得,最緊要食得開心
今次係第一次同囝囝去食BUFFUT. 我預左無咩啱佢食,所以自備粥仔,
不過我都俾左D义燒包,菜,烏冬佢食,你知啦,佢甘為食,唔俾佢食連我自己都無得食架
之後本來PLAN左去奧海城,因為搵唔到車搭,所以無去
我地去左行海港城,當然一定去玩具反斗城,囝囝試坐左一部搖搖馬,佢好鐘意,
又可圍住佢,唔怕跌親,不過貴D,成500元,都未必玩好耐,所以唔買啦
之後去左旺角潮樓食潮州菜,都幾好味,渣打咭佢有八八折及免茶,介及加一
6大2小都係500幾,好抵,不過講成日最開心就係去左女人街買平貨
我買左4套15,元及2套30元既夏天衫褲,25元7條口水肩,仲印有MONDAY TO SUNDAY
真係可以每日用都教囝囝今日係星期幾.TOTAL都係145元,好抵呀.

大個左好多

最近這星期,囝囝學識好多野,會舉起食指左右搖擺,好像SAY NO甘

又會咪起對眼,古古惑惑,然後望住你笑,

昨日(3月22日)仲學識由瞓係度,再慢慢叺係度,再坐起身,

我拍手讚佢叻叻,佢又跟住拍手,仲笑得好開心,可能佢自己做到佢都拍手讚自己叻叻呢

不過佢識之後就連瞓覺都要甘玩一輪才瞓,真係要同佢搏鬥一餐.

日後半夜就要醒瞓D去睇下去,怕佢半夜唔瞓坐起身玩呀

一歲針之反應

囝囝3月5 回健康院打針,第8日即3月12日開始低燒,通常瞓醒早上才燒,一食退燒水就沒事
如是者斷斷續續燒左5日,我就帶去睇醫生
郭淑琴醫生係我上網睇D網友介紹,佢話正常打針只會燒2日,
唔會甘耐,佢估亞B可能出疹,當晚回家沖涼後真係出疹,好忟,連續2日用芫茜水沖涼,
等佢快D出晒就會舒服啦.

剪頭髮

爸爸今日幫囝囝剪頭髮,我地都手忙腳亂,我地將囝囝抱入TOILET,坐在洗手盆上面,一面餵佢食星星餅,一面幫佢剪,甘過程中佢當然有喊啦.終於大功告成.不過囝囝D衫就好DIRTY,事後我仲要慢慢清洗.吸收今次經驗後,下次買個圍巾包住D衫,唔駛做餐懞.

(剪完之後一樣甘靚仔.哈哈哈......)

ABC粉

3月9日(星期日)

今日第一次整ABC粉俾囝囝食,代替粥仔.

我用左蕃茄,薯仔,紅衫魚做湯底,煲好才加入ABC粉,攞一條魚拆肉,加少少蕃茄及薯仔,唔....好香好好味,因為D魚早一日奶奶幫我洗淨煎好,所以我好方便.我甘耐都無試過煲魚湯煲到牛奶甘靚,第一次咋,連爸爸都讚好味呢.囝囝都好鍾意飲LEE個湯.不過就唔係好識啃粉粉,咕嚕就舌,真係要慢慢教.

頭泥

早幾日返健康院,先發現囝囝有少少頭泥,姑娘教用鑑欖油幫佢按摩,再用梳去清理,
最快要一個星期才會清除,不過係會再出既,不過BB唔多鍾意我搞佢個頭仔.真難搞

返健康院打一歲針

3月5日下午返健康院打一歲針,仲要做評估,結果評估唔理想,要再排2個月後回去再TEST
因為佢話囝囝唔識行,又唔識玩玩具,唉!每個小朋友都會又快又慢,真係俾姑娘激死,
唯有抽多D時間俾囝囝啦.慢慢教,等佢慢慢吸收.

2007年豬朋狗友一歲生日會

2007年3月2日(星期日),我地參加左由十仔主持既豬朋狗友一歲生日會,有成200幾人參加,
我都係第一次帶囝囝參加甘大型既PARTY,我地準時12點就到旺角帝京酒店,會場門口有一張成百個BB既POSTER,好靚,我連囝囝出世個樣都攪錯,跟住同米奇及米妮影相,仲連相框一齊送架,我地編左坐11號TABLE,原來同枱都係2月7日出世既BB,十仔真係好有心思,佢仲將我地之前提供既相片製成左一張書簽及一張磁石貼,BUFFUT都好好味,我見同枱無人好似我地甘俾BUFFUT囝囝食,
囝囝唔止食既種類多,食量亦勁,終於約2點佢就瞓左啦,差唔多完場,十仔俾左個驚喜我地,就係每人送一件印有一歲生日LOGO既T-SHIRT俾BB,仲要求即著影大合照,我唯有整醒BB,佢當然不停喊啦,不過台下太多人,爸爸都影唔到我地,臨走仲每家庭有一大袋禮物(包括奶粉,果汁,書,玩具......)
我地3:30就清場,爸爸仲話氣氛好好,如果出年再攬佢都會再來,哈.真係估佢唔到.
完場後我地即趕屯門,因為我中左獎,獎品係2張成人OCEAN PARK入場卷,因為屯門市廣場有個活動,只要身份証既英文字同TMTPLAZA中有6個未相同,即中獎,全家只得我中,好開心,真係超LUCKY,我入到去都4點幾,好驚無晒飛,因為名額得百多人,好彩都攞到,真係要講句多謝呀TMTPLAZA.

囝囝要做小手術

好心痛呀!

囝囝早前12月26日因為右眼上面有粒眼瘡穿左,去左睇吳天柱醫生,

醫生話要即時用剪刀剪穿再放膿,成個過程無麻醉,仲由我負責捉實囝囝,佢都喊左超過半個鐘.

做完無幾耐,同一隻眼下面開始腫,之前醫生講過話會有此情況.

甘我地唔理佢,點知越來越腫,2月9日之後發現有膿頭,有少少綠色液體流出,

我話不如去睇醫生,一個人話去睇專科,另一個話去睇多次吳天柱,又另一個話生眼挑針,飲多d涼茶會好,結果一拖再拖,到個囝隻眼流左幾次膿,又有血水流出來,一時腫一時又消腫,先至話不如去睇專科.好啦.甘終於預約左2月25日下午3點去睇嘉賓大廈既歐陽兆民醫生,佢一摸就話囝囝有好多粒眼瘡,要開兩刀,一刀入面,一刀出面,幫佢放清d膿,因為食藥都唔會清,眼瘡係無預防無斷尾,2歲以下係會成日都生,因為脂肪線塞左,只有勤d用熟暖水清潔,緩和一下,等佢唔好塞,我今次負責按住囝囝對腳,一個姑娘按頭,另一個按上身,醫生好快手打左支麻醉針,好多血噴出來,跟住即快手反起隻眼清入面粒瘡,後到出面,幾分鐘做完,醫生話如果我怕就唔好望,但我全程都望實,因為我覺得好心痛,如果可以寧願割我好過割囝囝,不過今次只喊了幾聲,做完就瞓左啦,pro即係pro,埋單$1200,唔駛食藥,唔駛覆診,只需要搽藥水及藥膏,lee個醫生好細心及有耐性,佢知我擔心都會體諒同安慰.

不過我好後悔,點解當佢有第一粒眼瘡時我唔去睇專科,如果一開始就睇專科,囝囝可能唔駛受甘多苦,所以日後如果有咩病,我都會同佢睇專科,始終專業麻.好過睇甘多次,浪費時間又要亞囝辛苦,唯有俾心機打工,儲多d錢以備不時之需

第一次去Disneyland

2月9日(年衫三)

今日第一次去disneyland,今日得9度,好在無落雨.不過都好涷

我一日6點20分起身翻熱粥及栗米水,準備帶入去樂園.

好耐無試過甘早起身啦,前一晚因為要煲栗米水,凌晨2點幾先瞓.

真係好攰. 不過我地都好期待今日既來臨,我地一家三口7:50就出門,

亞囝就好眼瞓,我地坐小巴出旺角再轉地鐵,再坐廸士尼地鐵,到樂園都係8:50,

於是在附近影相,我地都係第一次坐廸士尼地鐵,裡面d擺設好靚,當然囝囝都好開心

婆婆,家姐一家就差唔多10點先到.我地己經排隊影左高飛同米奇,不過影米奇時亞囝已經瞓左啦.

今日全日都好多人,只係玩到巴斯光年,亞囝拎住支鎗好開心,另外又睇左獅子王同米奇表演

中午去美心食飯,都幾好味,下午茶去食泰式粉麵,超貴及難食.晚餐因係book唔到位,去食炸雞,都ok.

最尾個煙花好靚.睇完8:30就走啦.

今日全日支出連門票都唔駛$1500,都ok好玩啦.

不過太多人未可以走遍成個樂園.bb亦仲細,好多野無得玩,不過佢睇煙花睇到定型,好開心.

我地今日都影左成500幾張相,我仲同爸爸講話不如明年bb生日又同佢黎玩,不過會住酒店,否則都係玩唔晒所有野,如果能夠閒日去更加好,起碼唔會甘多人.

我地今日只係買左一盒糖,因為亞b拎住唔放,所以先買,盛惠45元,佢鍾意就買啦.

唉!越來越寵囝囝啦.

停餵人奶

好多日無寫blog啦,趁bb瞓左,開工先
bb已經1歲,由於係早產,我選擇餵母乳,可惜做唔到全母乳哺餵,要溝奶粉.
我當時下定決心,有幾多俾幾多,希望能給他到1歲.儘我所能就得,最高峰都係得9安士一日,
越接近1歲,1日只得20ml,無咩奶,不過我都堅持到.最後年初一凌晨泵完奶,初二飲最後一餐人奶,
我lee個少人奶媽媽正式退下來啦.lee一年裡面,有好多人叫我唔好再泵,因為我又唔係全人奶,又花好多時間,我亦曾有一絲絲想放棄,不過最終堅持到底.我真係好想俾最好既給囝囝.今日我可以大聲講"我做到啦"
日後唔再泵奶,可留多d時間俾bb同佢玩.
如果有機會生下一胎,我一定會做足準備工夫,希望可以全母乳哺.

年初一(今日係寶寶生日)

今日係大年初一,亦係我寶貝仔生日,今日除左收到好多利是外,仲有大姨媽送既tomas公仔,好cute.寶寶見到即刻伸手去攞.

另外今日我地先去契婆家拜年,再去太嫲家拜年,之後返嫲嫲家吃晚飯,飯後仲一齊食生日蛋榚.

影左好多相,仲有今日著左婆婆買既唐裝衫,個個都話好可愛,我都覺得好可愛呀.

bb甘快就一歲,祝囝囝身體健康,快高長大,日日都開開心心.

公司團年飯

2月1日晚剛食完公司團年飯,去西貢洪記食海鮮,頭盤係大蝦沙律,然後龍蝦剌身,鮑魚仔生菜底,椒盥瀨尿蝦,豉油皇大蝦,鮑魚雞湯,蒸大石斑,西芹帶子,薑蔥炒龍蝦,生炒糯米飯,楊枝甘露,壽飽,生果
好飽呀.我仲打包左龍蝦俾老公做晚餐,因為佢今晚放學要去接囝囝回家,無飯食呀.
天寒地涷,返到屋企都11點幾,都係早d瞓啦.

半夢半醒

最近因為太涷,囝囝瞓得唔好,成晚醒,要貼近我瞓,
可能有d人氣會暖d啦.佢成晚喊一,兩聲就周身郁,結果我用面貼住佢個額頭先至瞓得好.
不過我就瞓得辛苦啦,腰酸背痛.仲要失眠添.希望涷既日子快d過就好啦

囝囝農曆生日

今日係囝囝農曆生日,十二月二十日,今年新曆係大年初一,
今日又係奶奶屋企團年, 今日同bb去左坐電動車車,玩左三次走就扭計,傻豬仔.
今日bb都較痴身,成日要我抱,今日佢仲大豐收,收左好多利是呢.
不過今日真係好涷呀,連公園都無同佢去玩,下次補數啦
生日快樂.....囝囝

學習教材

昨日約左個noddy saleman上屋企,我至在想要佢隻demo,
因為之前在大嫂家見過幾好,雖然我都有裝now,不過隻demo可以放在奶奶家俾囝囝日頭睇
經過我地4個鐘傾談之後,我已打算買俾亞囝,不過都等老公回來作決定,
佢同意最好,唔同意就自己出錢買,因為小朋友最易吸收及學習係0-3歲,佢地每日成長都唔同,時間錯過左就追唔返,我想由細個開始培養囝囝既英文,希望每日都俾佢學習及唱遊.
雖然貴左d,不過當作買個機會都好,還掂囝囝都like noddy, 俾佢睇noddy,總好過成日去睇卡通片呀.
過幾日就送貨,好期待......

好涷呀....

今朝亞囝起身條片又漏尿,全部要除晒換過,好鬼涷架麻.

已經連續兩日都係甘,真係轉左新裝後就唔好用.

啱啱聽到天文台話寒冷警告.嘩.......今晚得12度咋.

都係唔好加班,放工返奶奶度食完飯即閃,同亞囝回我地個暖暖安樂窩

贊助玩具

今年幫囝囝係BK報左一歲生日會,問公司攞左D玩具贊助,有三大袋,都幾重,打算坐的士回家,

都唔駛跳錶.但諗諗下公司對面就有巴士,都可以去到屋企附近,都係五蚊姐,甘咪可以慳十蚊,

於是就等過馬路,等下等下......不如行返去啦,三十分鐘姐,平時都係行架啦,結果就拎住三大袋玩具+手袋行返去,原來真係好攰架,自已死頂咋.返到去第一時間真係放低晒再除褸,因為我出晒汗呀

不過我覺得都值得,因為我無時間幫手做義工,今次可以幫手贊助,希望小朋友會鍾意啦.

真係好期待一歲生日會呀.我都想BB識多D朋友仔呀.

眉頭眼額

依家d小朋友十分醒目,絕對識得睇眉頭眼額,話說昨晚bb曳曳,

我話極都唔聽話,不停'bu'口水及將d手指放入口,繼而挖喉嚨然後作嘔.

我不停同佢講唔好唔准,結果我大聲同佢講"你唔聽話,媽媽唔錫你啦"

之後就唔睬佢,佢知我嬲,不停用手去摸我埋面,想我回應佢,

最終我睬佢,同佢笑,佢就又繼續玩,真係激死呀.

另外食飯時我同bb講食"mum mum"啦,佢就會跟住"mum mum"甘叫,

我又時講"哎呀",佢就跟住講,仲要好清楚架.

所以俾個囝又激死,又氹死,不過個個小朋友都係甘,邊會嬲得落呀.

賀年禮盒

話說之前在大型百貨超市一次過買了今天去拜年之禮盒

昨晚等送貨,超市約7-10pm送貨,我一放工即回奶奶家接仔仔回家,

飯都唔食,結果等到9:30pm才送來,好在家中還有些蛋糕,麵包頂肚,

否則又會餓到胃痛啦.

今年打算環保d,所有禮盒都唔包,點知來貨時全部都已包裝好,

依家真係唔知拆唔拆好啦.

去公園玩

今日同bb去公園玩千秋,佢越黎越鍾意lee個玩意,
仲自己不停郁腳仔,超可愛,爸爸一如以往不停影相,
bb就不停擺post,一時伸脷, 一時拍手,仲玩到唔願走.
之後我地去左jusco辦年貨,一次過買晒所有禮盒,成張金牛找數,好心痛
夜間又送左個相機鏡頭俾爸爸,又多一張金牛飛走左啦...........
不過爸爸都係想影多d靚相姐.