探柏言哥哥

6月1日

今日無咩做,去左探柏言哥哥,順便食siti姐姐煮既好味餸菜,
唔食無機會啦,因為姐姐就走啦.新來之姐姐唔知煮野好唔好食呢
今日柏宇囝囝都好乖,去到一齊玩d數字同abc字,又聽歌,又睇flash card.
囝囝好開心,成日爬來爬去,伯娘就辛苦d,因為柏言周圍走,伯娘怕佢撞到柏宇,
所以跟到實,始終差唔多年齡既小朋友一齊玩,學野會快d.
到晚飯後,囝囝又食提子,又食西瓜,下午已食左香蕉,好似勁食大賽甘,
好飽,到9:30就走啦,因為實在太攰啦.囝囝係車上已瞓到豬仔甘啦
返到家,如果唔係我幫亞囝抺身整醒左佢.佢可能會一覺到天光呀.
結果佢再飲多5安半奶再瞓......好大食呀....亞囝