5月12日
今日佛誕, 唔駛返工, 我見得閒又同亞囝去jusco買鞋
原本想買黏貼既,不過又係因為亞囝隻腳跟位太多肉,穿唔入,個sales姐姐唔建議我買大一個碼
所以轉左另一個索帶款,我選左灰色+橙邊,好sharp,好靘.
之後我地2母子去左kfc食野,例牌叫左個走醬薯蓉俾囝囝食,
跟住去左亞yan鋪頭企左成個鐘傾計,亞仔仲攰到瞓左.
返屋企後,我同亞囝學行行,我在後扶住,等佢行得穩後就靜靜放手
佢自己可以行左7步,第一次咋,真叻仔.
不過之後佢有d驚,唔肯自己放手行.唔緊要啦.慢慢來.
已經係一個好開始啦
沒有留言:
發佈留言