2007年豬朋狗友一歲生日會

2007年3月2日(星期日),我地參加左由十仔主持既豬朋狗友一歲生日會,有成200幾人參加,
我都係第一次帶囝囝參加甘大型既PARTY,我地準時12點就到旺角帝京酒店,會場門口有一張成百個BB既POSTER,好靚,我連囝囝出世個樣都攪錯,跟住同米奇及米妮影相,仲連相框一齊送架,我地編左坐11號TABLE,原來同枱都係2月7日出世既BB,十仔真係好有心思,佢仲將我地之前提供既相片製成左一張書簽及一張磁石貼,BUFFUT都好好味,我見同枱無人好似我地甘俾BUFFUT囝囝食,
囝囝唔止食既種類多,食量亦勁,終於約2點佢就瞓左啦,差唔多完場,十仔俾左個驚喜我地,就係每人送一件印有一歲生日LOGO既T-SHIRT俾BB,仲要求即著影大合照,我唯有整醒BB,佢當然不停喊啦,不過台下太多人,爸爸都影唔到我地,臨走仲每家庭有一大袋禮物(包括奶粉,果汁,書,玩具......)
我地3:30就清場,爸爸仲話氣氛好好,如果出年再攬佢都會再來,哈.真係估佢唔到.
完場後我地即趕屯門,因為我中左獎,獎品係2張成人OCEAN PARK入場卷,因為屯門市廣場有個活動,只要身份証既英文字同TMTPLAZA中有6個未相同,即中獎,全家只得我中,好開心,真係超LUCKY,我入到去都4點幾,好驚無晒飛,因為名額得百多人,好彩都攞到,真係要講句多謝呀TMTPLAZA.