追月

9月15日

今日追月日,我地又係無地方去,不如入去家姐屋企,等柏宇同昊昊可以一齊玩
我地今日好忙,先去深水步買手指,食完野再入去天水圍,去到都3點幾啦
佢地2兄弟又係爭巴士玩,好搞笑,婆婆黎到就買左個robot俾昊昊,又買左個mcdonald車俾柏宇,
好cute呀.我都鐘意.點知2兄弟鐘意對方個份,但柏宇始終最愛昊昊架金色巴士,
唔肯放手,最後我地都攞左回家,另外,5點幾我地同小朋友去公園玩.
可能我太緊張,原來亞囝好叻架.佢又大膽,玩sir滑梯一d都唔驚,仲唔要人扶,自己爬返上去.
玩左約一個鐘就返去沖涼,準備打邊爐,今晚好豐富,姐夫買左花甲,大蝦,象拔蚌,好正.
食到唔捨得走.亞囝就因為只瞓得35min,所以佢回家途中已瞓左,一覺到天光.
希望好快再一齊玩啦