10月26日
今日一早煲好湯及煮定飯仔,因為亞囝要返PG
我地係屋企食左腸仔,火腿,蛋後,就準備好要返學
今日又係無瞓覺,不過好在柏宇唔係太扭計,
不過都係唔坐定,周圍走,其他小朋友好乖坐定聽老帥講故事
後來到聽歌跳舞時,柏宇才好開心甘玩,佢仲好得好大聲,
吸引所有人既注意力.唉.去到邊都吸引人,真無佢乎
連老師都好似特別留意佢,可能係得佢一個曳曳啦.
不過我自己覺得,俾佢返PG,唔係要學D咩,最緊要佢唔抗拒,玩得開心
唔一定要英文叻,因為童年好緊要,唔想佢甘快有壓力.
留個美好既回憶.
另外今日柏言一家出來探我地,我地去左黃埔公園玩,
亞囝好耐無去打鞦韆啦,玩到唔肯走,反而柏言就麻麻地鐘意
晚餐是柏言扭計要落地,大佬都無佢乎,結果大家好葱忙食完飯就走啦.
亞囝今日仲試飲左啤酒添呀,不過佢無特別話要飲,但又唔抗拒.
註:今日才試食馬豆榚,味道OK,只是榚身較軟,下次再改良
沒有留言:
發佈留言