整色整水整壽司

10月19日

今日又搞新意思,就係整壽司,因為想月底去親子旅行時食,所以要事前練習下先得,
由於第一次整,所以只用左腸仔,火腿,蛋做餡,即使唔成功,都唔駛嘥好多錢麻.
第一次卷,d紫菜整唔斷,包好才用刀切,好肉酸,第二次卷,剪好左紫菜鋪上去,放左飯又移左位.唔得
結果我決定只卷飯,再包餡,再鋪飯,壓好之後,才包紫菜,甘就靚仔晒啦.
我仲帶左15件壽司去等柏宇放學再去嫲嫲家食,柏宇食左4件,好捧場.
之後dinner又再食多3件,total食左7件,好勁呀.我都係食4件咋.
佢最鐘意係蛋壽司,好好味.第一次整有甘既成績,我有信心月底才以保持水準既.
今日學校早餐:白菜,瘦肉湯什菜粉,午餐:甘荀絲,蛋絲煮牛肉,合掌瓜,瘦肉,生薏米,蜜棗生薑湯,紅米飯+火龍果,茶點:雪梨水+提子麥飽.
另外今日沖涼時,柏宇問布樂言係邊呀,我都surprise,佢竟然識講得出同學仔既名.
問佢仲有邊個同學仔,佢就答鄭慧雅.之後問返老師,原來佢地真係記到同學仔既名架.