再返playgroup

11月21日

好耐無返playgroup啦,今日同柏宇返去玩下,無返3個月,都仲係甘曳曳豬周圍走,唔肯坐定,影響埋其他小朋友.一如以往唱唱跳跳,好快過左45分鐘落堂啦.之後去左買校服,因為老師話柏宇日日都整濕2條褲,甘我地之前買得3套,根本乾唔切,學校借俾柏宇既又太大條啦.一路行一路跌.所以都係買多2條替換.
今晚daddy心血來潮,話去附近既8度海逸酒店食buffut,估唔到即晚訂都有位,仲可以由6點食到10點半,每位都係$298,不過野食唔太多,有魚生壽司,即煮湯粉,牛腩,燒牛肉,熱食10款,中西湯各1款,燒味,凍海鮮(長腳蟹,螺,生蠔,蝦),雪榚,日式麵飽,什果刨冰,朱古力噴泉,蛋榚,生果,凍小食,沙律,咖哩及迷你甜品.
味道ok,最好係佢refill野食係好密,亞囝都食左好多蛋榚同麵飽,因為真係好好味,我最尾好飽都仲要食多個飽,實在太軟熟啦.我地食左2個鐘,9點就走啦.真係好少buffut可以食4.5小時架.
下次有機會同家人來食多次先.不過記得自備小朋友既餐具,佢無得提供架.