10月28日
今日daddy返晏,於是一齊送柏宇返學,等daddy可以睇下柏宇幾叻仔,可以自己去洗手抺手,入課室食早餐,
不過今日既早餐同我之前睇既餐單唔同,放學問老師先知佢地既餐單同網上既唔一樣,叫文書姐姐send過一份俾我就得啦.今日我整定芝士腸+杯仔蛋榚接囝囝放學去嫲嫲度食tea.放學己覺得柏宇又d熱,老師話佢今日有鼻水添.返到屋企探熱,真係發燒呀.唉.佢本身氣管未好,仲有咳,所以好易再受傳染.希望好似上次甘快d退燒啦.
今日早餐: 粟米雞肉粥+餅乾,午餐: 紫椰菜,白椰菜蛋絲燴雞柳,蓮藕紅綠豆排骨湯,紅米飯+蘋果,茶點:熱牛奶+甜粟米
沒有留言:
發佈留言