愛心早餐

11月26日

昨晚接左公司電話,叫我今日唔駛返啦.無所謂啦,甘今早就同柏宇係家食愛心早餐
今早整左火腿蛋三文治+維他奶,柏宇食得好開心
之後柏宇話要著片片,我話唔好啦,醜怪呀.之後佢話肚痛,甘我問佢係咪想去便便,佢話係,
之後真係痾左好多呀.原來佢唔係扭計,真係有需要既.不過佢都好叻,識同我講佢肚痛要著片.
但今日就遲大到啦.返到學校放低佢就走啦,
放學老師話佢今日好叻,獎左個大熊仔貼紙俾佢,因為佢今早喊左一陣好快收聲,
而且成日都無扭過要紙巾.好大進步.我聽到都好開心.
佢又開始慢慢適應緊啦.加油!

今日午餐: 魚肉蒸豆腐,瘦肉草菇煮節瓜,白飯+提子
茶點: 熱牛奶,蒸蛋榚