去覆診

10月31日

今日下午要再去覆診,因為燒下退下,雖唔係高燒,不過柏宇咳到嘔,個頭又咳到紅晒,又話個心口好痛.今日2點35分去到排隊,3點開門,睇完都4點啦.醫生話柏宇咳到條氣管收窄左,所以d痰咳唔到上黎,個頭咪會紅囉.仲要柏宇聞氣,係幫佢舒緩氣管,等佢擴張返,可以咳得起d痰,唔駛唔上唔落甘辛苦.只需聞8分鐘就得啦.
柏宇聞氣唔驚,但就驚部機d聲,佢聞聞下都舒服到瞓著左啦.希望真係幫到佢啦.
之後我地去左夢幻世界玩,又係俾柏宇夾糖,玩左一陣,食埋飯就走啦.不過柏宇就無食,全程瞓,可能佢好難得可以條氣管甘舒服,於是就狂瞓囉.