好多野食呀

11月19日

今日返學都仲有少少喊,放學就買左豆花俾佢食.
今晚我地打邊爐,甘凍第一次係屋企打,柏宇一見到甘多野,就做左個好誇張既表情話"好多野食呀"
佢今晚亦真係食左成碗滿既腸同丸,好勁.
由於食完都成10點,仲要洗碗沖涼,個囝又係唔俾daddy陪佢瞓,要等埋我.
所以又搞到佢成11回幾先有得瞓,仲要半夜又扭計話唔瞓覺,
天氣凍左,一晚我都醒好多次,睇下個囝有無冷親,都真係瞓得唔淋架.
所以早上咪都唔多願起身囉.

今日午餐: 椰菜花小甘荀雞翼,節瓜蛋絲煮瘦肉,白飯+梨
茶點: 菜心瘦肉湯通心粉