有少少進步

9月14日

經過早兩日既不停洗腦,柏宇今日返學都有少少進步.
雖然都有喊,都有扭計,但就無上星期甘癲啦.
我不停問佢,要唔要做叻仔,要唔要叻過其他小朋友.甘就唔好喊啦.喊唔靚仔架啦.
可唔可以做一次叻仔俾媽咪睇下先,於是乎佢話好之後,我陪佢一齊敲門,一齊推門入課室,
佢一邊用手巾抺眼淚,一邊自己行入去老師度.無再痴住唔俾我走.
佢肯行出第一步,已經好好啦.起碼無再喊住話唔返學,要走...之類既說話
好快到11:30放學時間,剛好打風,所以早左少少接佢走.佢帶左朱古力餅俾佢,
今次見佢出來都喊,連我抱住佢都喊,不過唔緊要,仲有時間等佢習慣,唔抗拒返學就得啦.