老師讚柏宇好大進步呀

9月17日

今日返學,柏宇己無喊,只是在入課室前,有個小朋友喊得好勁,於是柏宇才喊住入去.
到放學時,老師話我知今日柏宇好叻仔.比之前喊得少左好多.可以自己去操場玩,又幫老師拎紙巾俾其他小朋友.
老師話手巾仔放褲袋,唔好拎住,佢話好,乖乖放左落褲袋,唔拎出來.
另外老師又話唔駛成人要人抱啦.拖住手仔都係一種錫既表現既架.
問柏宇拖住手仔好唔好呀.柏宇好明白事理甘只係拖住老師,就無再扭抱啦.
唔慣得昨晚亞囝成日同我講,媽咪拖住先啦,好少扭我抱佢.原來係老師既功勞.
我問老師,明日會否俾柏宇食埋lunch才走,老師話要問過其他miss才決定,
甘我就話唔緊要啦,唔得咪下星期先囉,反正明天都fri啦.
返左11日學,好開心聽到老師話柏宇有進步,其實佢唔蠢架.只要你講道理,佢都會聽既.
佢都係受軟唔受硬既.期待佢係學校食lunch呀.甘我可以煮少餐,佢又可以食得有營養.