9月23日
今日返學都仲有同我講話唔著校服,唔返學.
我都係照樣話佢知每個小朋友都要返學學習,佢扭唔扭計都要返架啦.
但今早佢入課室,第一次唔喊咋.只是用手巾仔抺下眼,好似想喊甘樣.
之後中午1點半,老師打俾我話柏宇今日食飯就只食少少,但之後老師餵佢就食得晒.
開頭唔多瞓,到1:30pm就瞓左啦,所以叫我3:30pm才去接佢放學.今日午餐食雜菜蛋絲雞柳炒米粉,粟米生菜瘦肉粥.瞓醒就食埋茶點:馬荳樣+香蕉.放學去到剛好見到柏宇仲食緊茶點,於是我厘埋一邊偷望佢,佢食得好慢,仲不時成日望去課室門口,我估佢係睇下我黎到未,食完老師帶佢將d垃圾,碗,义等分類放好.之後幫佢抺乾淨就帶出見我.佢放學都係無喊既.老師話明天可以返全日啦.我仲問老師點解佢既轉變甘大,昨日12:30,今日3:30,明天4:30.我好開心呀,亞囝返左全日,我就多左好多時間去做野.老師仲話柏宇好ok呀.放學仲自己去同每個老師say goodbye才走.又跟住其他小朋友一齊去洗手.好大個囝呀.
沒有留言:
發佈留言