7月31日
今日本來約左去僱主度做清潔,今日晏左出門,我成8點先叫醒亞囝,
再即刻抱佢去奶奶家,之後即行快d去返工,好在8:55am到達啦.幾驚遲到
我上到去,個婆婆先同我講佢今日要出街,唔記得通知我唔駛來,吓...我趕到身水身汗,
佢話俾返10元我當車錢,我無收到,講真,你補返一個鐘人工俾我就話姐,
10元我就唔會收啦.佢不停道歉,講真我又唔太嬲既,不過肉痛甘早叫個囝起身姐,
佢又唔舒服,唉...算吧啦,佢話今晚再打俾我,但我都唔會做啦.
之後約左教清潔既miss同埋部份同學去飲茶,再返去攞証書.
咪當偷得浮生半日閒囉.
沒有留言:
發佈留言