5月3日
昨晚平安無事,無再燒,甘我就安心瞓得淋啦,點知攰得滯,8點幾扎醒CHECK下,佢又燒返102.2度,唉,太過掉以輕心啦.即時又貼退熱貼,點知佢見我醒左,佢又唔瞓啦,甘就俾佢早D食少少野食藥啦,之後叫DADDY睇住佢,我去買D餸菜及蛋,睇下佢想食咩就煮咩啦.好在食左藥之後到傍晚都無再返燒,不過都唔好甘大意,留意佢好D,費事又瞓得太淋.今日中午仲幾好胃口,食晒一個烏冬,係食藥有D扭計,不過佢唔舒服扭計都正常既,千祈要俾D耐性,唔好鬧佢,氹佢多D,等佢舒服D,我都要儘量食多D瞓多D,因為我一病就無人照顧柏宇架啦,而且我仲陀住小B呢,更加要多D休息及營養,唔可以病架.
沒有留言:
發佈留言