睇聖誕燈飾

12月24日

今日係平安夜,我地約左朋友係附近食飯,師傅仲買左一包薯片,一包糖,一盒百力滋俾柏宇,開心到佢大笑,不停話好開心呀.呢個小朋友真係大情大性.之後我地一家去左尖沙咀睇燈飾,好多人呀.柏宇一去到見到外牆既大燈飾,已經話好大好靚呀.之後我仲買左杯朱古力雪榚一齊食添.daddy又買左2枝發光棒棒俾柏宇,佢開心到嘩嘩叫.我地行左一陣就走啦.因為又多人又夜,返到屋企都近12點.同柏宇玩多一陣波波,睇埋聖誕倒數既節目,差唔多2點先瞓.難得甘開心,夜d都無所謂啦.