特別驚喜

2月16日

今日中午奶奶突然打俾我,話佢同亞囝係我公司樓下,
因為佢地約左2點半去健康院,甘奶奶咪早d帶亞囝行黎囉,
我就陪佢地行左一陣,囝囝好開心,碧姐都讚佢好叻好靚仔呀.
佢都好鐘意行路,我話抱佢都話唔好.
差唔多1:35pm,我要返公司食飯啦,甘奶奶拖住囝囝走,
佢一步一回頭望我,好唔捨得佢呀.個刻好想走上前陪佢去到健康院才返公司,
我越來越唔捨得囝囝啦,好想時時刻刻陪住佢成長呀.