第2次整小蛋榚

2月10日

其實昨晚已手癢,想整蛋榚仔食,
但daddy好晏返,我又有好多家務做,
所以留到今日才整
今日我自己一手一腳整,好有滿足感
同埋我想俾亞囝試下即炤即食既好味,所以忍心唔俾佢瞓住
結果等到成11點,先焗好晒,亞囝仲連食左3個呢,
証明佢都覺得好食啦.
不過今次既賣相好過上次好多,無燶,全部金黃色,
仲好好味,我留左4個準備明天請碧姐及謝生食,
當多謝佢地啦.
其他就留俾囝囝同嫲嫲食.
我都係時候要去學下整其他蛋榚啦
驚亞囝食厭呀.