2月20日
今日一早叫左奶奶來幫手睇住柏宇,因為我要返醫院抽血,昨晚專登好夜先俾柏宇瞓,甘今日佢咪會好晏先起身,奶奶就唔駛點理佢啦.不過今早約左9點,最後要聽講座,搞到10:45am先走得,仲要成朝無食野,真係嘔到傻.
醫生本來排左4月12日覆診,但睇返之前一胎既case,最後提早左3月22日就要返去,20週既超聲波就要另外搵醫生跟進,唔知到時有無得照呢,如果無得照,我都唔會俾錢出去照啦,慳d麻.反正仔女都係自己生既.無咩所謂啦.
p/s:今晚係樓下食左餐好美味既韓燒,佢d牛肋骨十分好味,不過好貴,只有2條牛肋骨+1碟豬肉+1個石頭鍋飯+6個餐前小食+2碗羅白牛肉湯,都要$198及加一收費.柏宇食左2件壽司卷就攰到瞓左啦.呢個套餐剛好夠食咋.
不過有機會我一家要去再食,因為真係好好味架.
沒有留言:
發佈留言