2月9日
從上次流血後,終於等到今日返去照陰超,就知道小b仲係咪到,原來等待真係好難捱架.
甘多日係唯有嘔同暈,去俾我意識小b仲生存緊.今日一照,見到有心跳,當堂定晒.醫生仲話我用最後經期去計都算準確,今日係8週3日,甘即係話小b既增長正常啦,只要過左3個月,就會穩架啦,所以我自己都要小心過埋呢個月先得,因為生埋呢胎我收工架啦.得閒我會瞓多d食多d,唔好要身邊既人擔心.
P/S: 昨晚出外打邊爐,第一次俾柏宇一齊參與,佢好開心甘成日去'畢'個鍋入面既野食,我就俾條生既菜佢自己去碌,之後自己'畢'返來食,同佢講全部係佢自己煮既,自己食返會好味D.到佢食飽左,就不停'畢'俾我,一等我食完佢就即'畢',十分開心,到最尾佢一次過'畢'左好多俾我,甘我放入口咬爛都要時間架,佢就話"媽咪,你快D食啦,唔好含住呀"個衰仔真係平日聽埋聽埋我話佢既說話,倒返轉用來話我,一時唔偷雞就做保長.都唔知好嬲定好笑.
沒有留言:
發佈留言