2月10日
今日本來打算自己去幫DADDY買衫,後來想瞓晏瞓,於是就等埋柏宇放學,換左衫就一齊先去,順便食埋晚飯,又可以懶下唔駛煮啦.今晚我地2個去左和民食,印象中係第一次2母子去呢度食飯,我地叫左一碗拉麵,一碗烏冬,都食唔晒.最後仲俾柏宇自己叫左個朱古力雪榚,佢一路食一路話唔好味,甘我整古佢話不如媽咪食左佢啦,佢又唔俾.
結果佢飽到一路食一路痾BOO BOO,仲要唔認痾左,好在我個鼻靈敏姐.之後行左一陣就返屋企啦.甘樣出一出去都用左3個鐘,真係好龜速呀.不過我都好ENJOY同柏宇2個甘自由甘行街街食野,無左DADDY係度說教,個氣氛都舒服D既.
沒有留言:
發佈留言