有樣學樣

4月11日

今日我係厨房整野時,亞囝係sofa倒頭跌左落地,當然大喊啦,
我只能用力抱住安慰佢,等佢唔駛甘驚,待佢平伏後,我打算放佢落地.
點知我失重心,佢落地後我都跌倒,仲撞到條腰,當堂痛到眼有淚光,
坐左係地下唔郁,亞囝見到即時過來好大力甘攬住我,唔放手,好似我之前攬住佢甘安慰我.
雖然佢唔識講,但我知佢見我有痛,佢想好似我氹佢一樣甘氹返我,好touching呀.
真係越來越體貼呀,好大個仔啦.