香煎藕餅

3月10日

今晚dinner食香煎藕餅,我又有蝦碌野啦,
我今日買左20蚊墨魚膠,買左一段蓮藕,點知蓮藕多過墨魚膠n甘多倍,我又唔想嘥左d蓮藕,
於是夜麻麻去買左10蚊肉碎,結果整左6件墨魚藕餅,17件豬肉藕餅,我仲擔心仔仔唔食,因為蓮藕係爽既.
點知亞囝好鐘意食豬肉藕餅,仲淨食餸唔食飯,激c,昨晚整蠔油薯仔雞翼,佢又係甘樣,淨食餸,
今日餐飯食左成1.5小時,終於可收拾碗碟啦.我拎入厨房時,出來竟見到亞囝手拿住件豬肉藕餅黎食,
俾佢激c,我咪問佢,咩你食唔飽咩,但佢個肚仔係超級脹架,呢個豬仔真係同我一樣好為食,
但都好開心,因為甘樣代表佢鐘意食,daddy都覺得好好味.甘都不枉我用左甘多時間去整呢個餸.