返婆婆家

3月5日

今日daddy唔返來食飯,所以我帶囝囝返婆婆家,諗住等亞囝同弟弟玩,
點知弟弟今次反常驚左柏宇,亞囝就反而好活躍,唔怕人,玩得好開心,真係大個囝啦.
今日可以抖返日,唔駛煮,因為日日諗食咩餸都好頭痛架,又要就到daddy,又要囝囝都食,
試過煮好左,亞囝係唔食架,搞到要另外煮麵俾佢食,頭都痛埋,
今日婆婆煲左海星湯,好特別,不過好好飲.亞囝又食左好多野,所以今日痾左4次便便.
婆婆話可能食滯左.嘻嘻.係屋企無甘多野食架.
好在係婆婆家沖涼才走,因為囝囝一上車就已經做左豬仔啦.
落車都迷迷糊糊.不過半夜就喊醒,可能玩得開心掛,不過遲下佢就會慣架啦.