25個月大啦

3月7日

今日囝囝25個月大,我整左一個天使蛋榚(又名蛋白蛋榚)
又係第一次整,我覺得甜左d,但今次既蛋榚好鬆軟,幾好味.
我仲專登叫囝囝捧住個蛋榚影相添.
呢排自己湊返,亞囝次次瞓醒都好嗲,要我抱,唔抱就喊,俾佢激c.
不過我會睇情況,如做緊野,我都會同佢講唔抱,佢喊我就話佢架啦.
一鬧佢或喝佢,就會收聲,唔敢再扭,不過我就唔多想用甘既方法囉,費事俾佢有樣學樣.
另外亞囝越來越古惑,成日掉虎離山,呢頭叫我去幫佢拎野,個頭就入左房玩電腦.
總之成日做跟屁虫,我去煮飯都要成日抱抱,不過雖然有時覺得煩d,但講真佢痴我既日子又有幾長呀
所以係佢瞓晏覺既時候,我最好做妥晒d野,甘咪可以多d時間同佢玩囉
佢最近又識好多英文生字.成日自己指住身邊所有野,總之有字就自己讀佢識讀個d.好叻仔呀.