7月26日
今日係daddy生日,我一早訂左蛋榚,買定牛排意粉做晚餐,因為我今日要去照超聲波,今日磅過我有54.3kg(119.5lbs),可能趕住去,量血壓有成139,之後抖順條氣就正常返去110.甘都好d,等左一陣就去照,今次亞b比正常週數只差個多星期,我今日32w3d,亞b約30-31週之間,都追返一半,現亞b約有1.6kg(3.5lbs),胎水及胎盤,bb腦血流量,骨既長短都正常,而且仲掉左頭啦.醫生話可以4個星期才返去照多次.甘就好啦,唔駛甘辛苦.
我仲可以準時第一個去接囝囝放學添.佢不知幾開心.返到屋企我仲捉住佢隻手一齊寫左張生日咭俾daddy,等切蛋榚先拎出黎送俾daddy,不過柏宇就等daddy入門口已講左俾佢知,好在daddy唔明柏宇講咩姐,否則無晒驚喜.
柏宇仲一馬當先走去爭住吹蠟燭添,俾佢激c.出年就可以多個寶寶一齊慶祝生日啦.好期待.
沒有留言:
發佈留言