7月4日
今日柏宇好開心呀,因為我地一家同爺爺嫲嫲去左清水灣游水,由於太曬,我地3:30pm坐車去礸石山地鐵站,再轉車去清水灣,全程共1.5小時,都幾耐,去到都5點啦.之後爺爺同daddy及柏宇去玩水,起初柏宇都好驚,坐係水泡上面,後來越玩越大膽,不停叫爺爺帶佢去浮台,又不停係水行返上岸同我say hello.又行返落水,仲要唔駛人拖,自己行來行去.爺爺同daddy又托住佢教佢撥手及腳.暇終玩左1個鐘,太凍啦,要走啦.柏宇仲依依不捨添.
今日最失敗係唔記得帶d小食,亞仔一上水就話肚餓,結果捱到出去彩虹,daddy即買左餅俾佢食先,之後返到屋企即食飯,但都已經9點啦.真係好長時間,最衰太遠,否則可以成日去都得啦.
p/s:去一次沙灘,洗衫洗到傻左,d衫好多沙呀.
沒有留言:
發佈留言