1月16日
今日奶奶家團年.
由於daddy昨晚夜返,我要先暗亞囝瞓
所以我成12點半先起身整蛋榚仔.
諗住柏宇及柏言有得食,
第一次整好緊張,好在daddy同我一齊整
搞左成個鐘,終於整好左個麵糊.
等一陣先焗,結果焗左10分鐘未熟,甘就再焗多5分鐘,
諗住熄火後唔拎出來住,點知原來熄左火,佢d熱力都好勁
就係甘d蛋榚燶左少少.我當然要刮走d燶既表面,
整好晒都2點半啦,我仲買左雞翼,調味後,洗埋d碗,剛好4點有得瞓啦
不過一d都唔攰,因為個滿足感好大,焗出來既蛋榚仔面脆內軟,
我覺得好好味呀.今次只整左20個小蛋榚,柏言食個4個呢.
亞囝就因為下午瞓醒後突然好熱,探熱成101.5度,所以即時同佢去睇醫生
原來喉嚨發炎,去到診所103度.擔心c我啦.
又要食抗生素.佢又唔肯食藥.迫佢食完後,佢又喊得太勁,嘔返晒出來.
唉,真無佢辦法.希望囝囝早d好返.健健康康啦.
沒有留言:
發佈留言