5月紀錄

5月4日 - 收樓 5月6日 - 新屋正式入伙 5月8日 - 柏宇去懷熙評估,老師要他加強手指運用,如扭樽蓋,剪紙,彈地接波,單腳站立....9月正式上訓練班,另今晚去jusco訂左個大tv柜,成5000元,都幾貴 5月10日 - 同奶奶慶祝生日,去食海鮮 5月11日 - donna生日 5月12日 - 妹妹開始唔用盤,俾佢坐凳仔沖涼,第一次甘樣沖,有d驚,喊到拆天 5月13日 - 妹妹今日沖涼唔驚啦,無問題,另今日去ikea訂左個衣柜,浴室吊柜及鏡柜,埋單4600元,傢俬都買得七七八八,等執好就ok啦. 5月15日 - 柏宇今日自己去完大大之後抺pat pat,跟住出來才話我知,真係令我有點驚訝,佢大個仔啦. 5月16日 - 今日試下俾柏宇自己俾錢買野,等佢感受一下如何購物,同學校既模擬買賣互相呼應. 5月17日 - 今晚終於得閒組合個大廚房玩具啦,2個小朋友開心到玩到成12點先瞓,激死,希望佢地可以互相禮讓,一齊開開心心甘玩啦. 5月20日 - 今日係夏天第一次去swim,本不讓晴晴下水,因為怕換衫時會冷親其中一個,不過今日熱得緊,帶妹妹去池邊梯級浸腳,佢玩到掛住執玩具成個人仆左落水,約3秒左右我即時抱起佢,佢唔驚唔喊唔揮手求教,仲掛住想去執玩具,只係用手抺下面上d水,好大膽,教練話佢唔駛花錢學swim,俾水袖佢自己swim,一年左右佢會識架啦.另外馬sir今日專登回來教柏宇swim,幾個月無swim有d生疏,不過好快pick up返,仲玩得好開心,我覺得佢獨立左,無甘痴身.下次帶定泳衣俾亞妹玩水先. 5月21日 - 今晚第一日幫柏宇戒夜片,半夜1點去左一次小便.到7:15都無濕,7:30就濕晒啦,好在床無濕,否則有排做啦.d時間都係要再調節一下先得 5月28日 - 今日妹妹發燒,改由daddy帶佢去swim,柏宇又好合作,好聽老師話,妹妹睇完醫生話佢普通cold,因為最近天氣唔好,避無可避 5月29日 - 今日柏宇放學,老師通知學校有人中左手足口病,所以我決定明天開始俾佢停課,避免2個小朋友都病.

去風

10月15日

今日婆婆用雞蛋包住個銀,幫晴晴碌肚掃風,嘩.晴晴好享受呀.眼仔仲碌得好大添.碌完之後個銀仔變左黑色既.因為吸左風所以變黑左.

記錄

2011年2月28 - 晴晴識反身
2011年3月3日 - 晴晴13 lbs / 60.1cm
2011年3月31日 - 晴晴識坐
2011年4月30日 - 晴晴8個月識用吸管
2011年5月9日 - 晴晴開始飲中藥, 識自動拍手
2011年5月17日 - 戒人奶,開始食奶粉
2011年5月29日 - 晴晴識bye bye
2011年6月16日 - 柏宇13.3kg / 96.6cm
2011年6月19日 - 柏宇第一堂游泳
2011年6月20日 - 晴晴第一次剪髮
2011年6月26日 - 晴晴第一次下水
2011年7月2日 - 柏宇上跆拳道
2011年8月29日 - 晴晴出疹
2011年9月1日 - 晴晴6.768kg / 66.4cm
2011年9月7日 - 晴晴去qe抽血
2011年9月8日 - 晴晴因鉀高,再回醫院抽血
2011年9月12日 - 晴晴6.92kg
2011年10月6日 - 校長出信俾中九龍排評估
2011年10月21日 - 第一次去中九龍見姑娘
2011年10月28日 - 晴晴自己放手行
2011年11月1日-2012年1月31日 - 回舊公司幫手上班
2011年11月7日 - 晴晴出德國麻疹
2011年11月19日 - 柏宇手足口病
2012年2月6日 - 提早一天幫柏宇在學校開生日會
2012年2月7日 - 中九龍確疹柏宇有輕微自閉症徵狀,需安排課程治療

又係全日唔瞓,亞媽頭暈中

10月14日

今早晴晴8點幾醒左,到夜晚成12點先瞓,全日不停喊,抱住就瞓,又成日想食,今日食左好多餐架啦.埋身都餵左5次啦.又唔係食唔飽.因為我等佢食完再補2安人奶俾佢都只係食得1安.其實佢就好眼瞓,因為佢瞓唔到咪成日喊囉,好多時抱住都係合埋眼喊,一路抱住一路拍佢,甘就可以瞓到,但一放落床就會醒,仲要係好似俾野嚇親甘不停手腳狂抓.俾d手巾佢拎住都唔得,一定要抱埋身.結果全日我除左食野外,就係抱住佢餵奶同抱住暗佢瞓.咩都唔駛做.但我又無得瞓,個頭己經好痛好暈架啦.daddy仲要開夜,好在嫲嫲幫我湊住哥哥.否則我仲c快d,另外今日打去健康院問左,原來晴晴痾d綠色屎係因為內有鐵質.係正常既,甘我都放心啦.

p/s:今晚漏夜整左個米袋俾晴晴,希望有用啦

今日奶量: 640ml

婆婆生日

10月13日

大日子,今日係婆婆生日,今年多左晴晴同婆婆慶祝.由於小朋友太細,今年無全部一齊食飯,我只係約左今日同婆婆飲茶.最緊要食得開心.今日婆婆拎左好多bb衫俾我,原來我娘家既柜桶收埋左好多,好彩婆婆睇下姐,本來打算買過既,依家可以慳返啦.因為bb衫真係好貴呀.而且又大得快,好易唔啱,又係手抱階段,唔需要買甘多同買甘靚.留返佢會行會走先同佢扮靚啦.
今日亞妹痾左d全綠色既屎呀.唔知正唔正常呢.

今日奶量:725ml

第一次無便便

10月12日

昨日全日唔瞓,今日就全日瞓,真係諗唔明呀.今日晴晴第一次全日無便便,不過唔擔心,佢食全人奶.一定唔會熱氣.無便便都唔駛驚.

今日奶量: 590ml

全日唔駛瞓

10月11日

今日亞妹日夜都唔駛瞓,好野.唔知佢想點.唔通佢地係要一日瞓一日唔瞓既.甘咪會好攰囉.
好在今日亞哥要返學,甘日頭都只係對住亞妹一個姐.不過無得瞓真係好攰架.唔知我可以頂得幾耐呢.

今日奶量:705ml

分身不暇

10月10日

今日又係2重奏,哥哥成日叫媽咪,亞妹又成日扭計.都唔知顧得邊個.真係順得哥黎失嫂意.俾呢2個大小魔怪搞到亞媽個頭出煙.就黎暈架啦.

今日奶量: 600ml

柏宇回味小時候

10月9日

昨晚晴晴8點半食完奶,到今早凌晨2點半先食,不過換片時就痾到我一身都係屎,因為佢一條屎柱甘噴出黎,避無可避.今日專登裝返柏宇細個玩過既音樂轉轉係bb床.諗住俾亞妹望下唔同顏色同聽下音樂.點知柏宇仲高興過亞妹,要爭住玩.仲要係bb床瞓添.可能佢想回味一下小時候掛.

今日奶量: 925ml

少少辛苦,但都有得抖

10月8日

昨晚10點幾就嘈定食奶,1點幾食完又唔瞓,抱住又扭,結果成點幾要埋身俾佢啜,佢又真係想食甘,10分鐘就瞓左啦.我攰到奶都唔泵,諗住4點先起身泵俾佢即食,點知又係太攰,連鬧鐘都聽唔到,到6點半佢有d喊我才扎醒.嘩.我一口氣瞓左4個半鐘,晴晴就一口氣瞓左5個半鐘,好勁呀.不過一覺瞓天光既代價就係變左岩石胸,成6個半鐘先泵,腫晒啦.結果叫daddy先餵女女食奶,我趕快用雙泵泵左先.加埋出左245ml,好在無塞.都係要較大聲d個鬧鐘先得.寧可瞓少d,好過去承受塞乳線既痛.

今日奶量:700ml

柏宇3歲8個月(44個月大)

10月7日

今日柏宇起身無扭計,做左哥哥係唔同d.亞妹今日都超級乖.因為婆婆出來湊佢,又係蝦我既.今早5點食完奶,又唔瞓,到7點先瞓,諗住佢會瞓耐d,點知8點幾就醒左,直到婆婆10點黎到都唔瞓,亞婆三兩下抱上手佢就瞓左啦.仲一覺就瞓到4點,剛好亞婆走佢就醒添.你話係咪俾佢激c.之前己講話亞婆一走佢就喊,我地仲以為佢慣性每日3點幾醒,甘今日婆婆專登4點先走,佢真係可能認得亞婆陣味,3點幾佢無喊,等亞婆前腳出門,佢轉頭就喊,真係不能不佩服亞婆湊仔係有一手既.可能昨日瞓得少,今日要補返數瞓個夠既.希望今晚都係甘就好啦.

今日奶量:690ml

早晚都唔瞓

10月6日

今日好攰,晴晴早晚都唔瞓,每每聞到飯香就醒,搞到我食都唔得閒,再加上可能打針後有d唔舒服,佢好忟,仲有出世打個支卡介苗個針口又腫左.仲含膿.全日最長瞓得1.5小時.我都只係瞓左半個鐘咋.到晚上10點幾,未夠鐘佢就想食.d奶又未暖,所以埋身食頂住先.點知佢食左30分鐘就瞓左.唯有差唔多成12點先整醒佢再食,望佢呢覺瞓長d啦.

今日奶量:710ml

返健康院打針

10月5日

今日婆婆一早出來幫我takecare晴晴,我要同柏宇返學校買校服,成個幾月無帶佢返學啦.d老師及家長見到我都話我好fit,好耐無見,不過可惜仲有個大肚"bo"未收,都唔明點解餵人奶都收唔到身.
之後要趕住同晴晴去健康院,今日要睇黃,監察發展同埋打針.姑娘話晴晴重得十分之好,有3.35kg(約7.4磅),剛好係細碼範圍內,甘我都會keep住俾最好既奶佢食,等佢再重得好d.打針時都只係喊左一陣,不過可能針口有d唔舒服,佢由下午3點幾扭到10點幾先瞓,日夜都唔瞓,好攰呀.

今日奶量:585ml

密密食

10月4日

今日全日多數埋身餵奶,由9點幾到6點幾埋身食左7次啦.不過時間亂晒,個女無咩點瞓.最長瞓得1.5小時,成日扭計.俾奶佢又唔食,抱住就瞓.係咪做錯左呢.我夠奶俾佢食架喎.佢仲食到吞唔切.點解食完唔瞓呢?最終夜晚10點幾先瞓,真係頭都痛埋.

今日奶量:450ml

二重奏

10月3日

今日daddy要返工,我一個人湊住2個,亞妹喊,哥哥又跟住喊,我真係頭都大埋.
今日無人到訪,可以俾妹妹埋身食4次.我又唔駛泵甘密,真係好唔得閒呀.
不過生得出,就要自己搞掂架啦.唔好成日指意人地幫,要獨立d.同自己講,我一定得架.

今日奶量:580ml

同婆婆一家食滿月飯

10月2日

今日daddy請假去幫晴晴拎出世紙,今晚我地係樓下酒樓訂左一圍食滿月飯,昨日同嫲嫲,今日同婆婆,仲有美玲姨添.成16個人一圍,好熱鬧.晴晴今日收到好多禮物,真係好多人錫佢呀.
今日仲特意著左條裙仔,不過俾張包被包住,大家睇唔到啦.等晴晴大個d先著俾大家睇啦.

今日奶量: 625ml

同嫲嫲食滿月飯

10月1日

今日柏晴第一次去酒樓食飯,嫲嫲自家人一家食,晴晴由頭瞓到尾,連奶都唔願飲,幾好瞓.今晚都係甘好瞓就good啦.

今日奶量:820ml

今日滿月啦

9月30日

亞妹昨晚食完奶,到今早3點幾我泵奶先醒,甘我都有少少時間瞓下,無甘辛苦,3點幾食完奶瞓到7點先起身,算係甘啦.今日滿月啦.希望佢夜晚唔好再扭計啦.

今日奶量:645ml

2重奏

9月29日

晴晴又係成點先瞓,我都攰架啦.今晚哥哥同妹妹都一齊喊,簡直係2重奏.我飯都未食呀.要先搞好晒哥哥既需要,俾佢上床瞓覺,先可以餵妹妹食奶.亞妹好勁,喊足50min唔停,仲好大聲添.幾好氣.
到10點半終於2個都瞓晒啦.我都唔理d家務,快手泵完奶就瞓,唔知妹妹會唔會今晚又唔瞓架.甘我咪c得囉.

今日奶量:675ml

夠奶

9月28日

由於晴晴唔瞓,又嘈住哥哥瞓,我就1點埋身俾晴晴食到1:45am.都唔理佢啜左幾耐.差唔多成2點先瞓,我太攰啦,set左2:15am起身泵奶,都miss左.結果一覺瞓到天光成7點先起身泵.相隔左成9個鐘,一次過出左200ml,不過唔好成日係甘,因為會塞,早2日好難得俾晴晴啜通晒,唔想甘快又塞返呀.另外晴晴係第一次埋身食奶後,可以一口氣瞓甘多個鐘,甘即係我都夠奶俾佢啦.

今日奶量:670ml